Қазақстан Республикасының бас мерекесі – Тәуелсіздік күні ұйымдастырылғалы отырған байрақты бәсекенің билеттері сатылымға шықты. Қазірдің өзінде оған Zakazbiletov.kz сайты арқылы тапсырыс беруге болады.
Естеріңізге сала кетейік, Алматыдағы бокс кешінде Виктор Коточигов, Ескендір Харсан, Абай Төлеш, Рай Сейітжанов, Елшат Нығметолла, Нұртас Әжбенов, Сұлтан Зәуірбек, Мирасәлі Сәрсенов және Нұрдос Төлебай сынды жерлестеріміз өнер көрсетеді.
Сонымен қатар осы жарыста Рио Олимпиадасының жеңімпазы, әлем және Азия чемпионаттарының күміс жүлдегері, Өзбекстанның жарқын жұлдызы Фазлиддин Гаибназаровтан бастап, шет мемлекеттерден келген басқа да кәсіпқой бокстың хас шеберлері күш сынасады.
