Аймақтар • 02 Желтоқсан, 2019

Түркістан: Бір мезетте 10 мың адам құлшылық ете алатын ислам орталығы ашылды

424 реткөрсетілді

Түркістан облысының Сарыағаш ауданында ашылған сәулеті ерекше Сатыбалды Әбішұлы атындағы ислам орталығында бір мезетте 10 мың адам құлшылық ете алады. Орталықтағы медресе-колледж шәкірттеріне арналған 29 сыныпта 600 бала дәріс тыңдай алады, 69 жатын орын, 1000 адамға арналған асхана бар.

Орталықтың ашылу салтанатында Түркиядан келген мәртебелі мейман Нежметтин Ердоған Біләл Түркия Президенті Режеп Тайып Ердоғанның сәлемін жеткізді. «Біз Атажұрттағы ағайынның қуанышына қашан да ортақпыз. Баршаңызды мешіттің ашылуымен құттықтаймын. Алла Тағала бауырлас қазақ халқына жақсылығын жаудырсын», делінген Түркия Президентінің құттықтауында. Ал Шешенстан Республикасының басшысы Рамзан Қадыровтың құттықтауын кеңесшісі Амруддин Эдилгерев оқып берді. Сондай-ақ Түркістан облысының әкімі Өмірзақ Шөкеев мұсылман қауымды, оның ішінде Сарыағаш қаласының тұрғындарын ислам орталығының ашылуымен құттықтап, игі тілегін жолдады. «Ғұламалардың айтуынша, өмір төрт тағаннан тұрады: ғалымның насихаты, патшаның әділдігі, байдың жомарттығы, халықтың дұға-тілегі. Осы төрт таған  өзіндік көркем үйлесімін тапқанда ғана кез келген қоғам бақытты болады», - деді облыс әкімі Өмірзақ Шөкеев. Ізгі тілектерін Өзбекстан мүфтиі Османхан қажы Әлімов пен Қырғызстан мүфтиі Мақсатбек қажы Тоқтамушов та білдірді. Ал еліміздің бас мүфти Серікбай қажы Ораз әрбір адам өмірінде мешіттің алар орны туралы насихат айтты. «Біздің өміріміз мешітпен байланысты. Адамның жүрегі құлшылық үйінде жай табады. Онда қаншама уақытымызды құлшылықпен өткіземіз. Бауырды бір-бірімен қауыштырып, өзара имандасатын мекеніміз – мешіт. Елдің игілігі үшін жасалатын қайырымдылық пен ізгі істер де Алланың үйінде жүзеге асады. Жабырқаған жанның мейірімге бөленетін мекені де – мешіт. Сәби дүниеге келген сәтте оған азан шақырылып, ат қойылады. Ол мешітте тәлім алып, ер жеткенде некесі қиылады. Отбасылық өмірде кездесетін түрлі сынақтар мен сауалдардың жауабы һәм пәтуасы осы мешіт пен имамның араласуымен жүзеге асады. Сондықтан, мешіт салу - сауабы мол сауапты іс», – деді Серікбай қажы Ораз. Сондай-ақ бас мүфти шетелден келген қонақтарға алғыс айтып, ислам орталығын салып берген азаматтарға жылы лебізін білдірді.

Соңғы жаңалықтар

Күлкі керуені № 20

Руханият • 06 Желтоқсан, 2019

Оралда жастар бастамаларын қолдау жақсы

Аймақтар • 06 Желтоқсан, 2019

Мәслихаттар депутаттарымен кездесу өтті

Қазақстан • 06 Желтоқсан, 2019

Қоныс аударушыларды қолдау қандай?

Қоғам • 06 Желтоқсан, 2019

Тәулігіне 15-16 тонна сүт алынады

Аймақтар • 06 Желтоқсан, 2019

Ұқсас жаңалықтар