Қоғам • 03 Желтоқсан, 2019

«Adal urpaq» клубтарының республикалық форумы

9 реткөрсетілді

Мемлекеттің тұрақты дамуының негізі – бәсекеге қабілетті жастар буыны. Бұл тікелей жас қазақстандықтардың білім мен білік сапасына, олардың ұмтылысы мен ынтасына байланысты. Сондықтан мемлекеттік саясаттың негізгі бағытының бірі – жастар секторы.

Жаңа заман жастары білім­мен қатар адалдық, парасат­ты­лық, әділдік пен сенім сияқты адами құндылықтарды бойына сіңіруі қажет. Осы орайда Сыбайлас жемқорлыққа қар­сы іс-қимыл агенттігі Тұң­ғыш Президент күніне және Жас­тар жылына орай «Sanaly urpaq» жобасы аясында «Adal urpaq» ең үздік клубтарының респуб­ликалық форумын өткізді.

Еліміздің түкпір-түкпірінен жиылған жастар ортақ ой, па­йым­ды пікір, пайдалы кеңес­тері­мен бөлісіп, өзара тәжірибе алмасты.

«Аталған іс-шара «Adal urpaq» жобасын жандандырып, өңірлердегі парасатты, әділ жас елшілердің Отанға, өз ісіне, атқарған жұмысына деген қызығушылықтарын арт­тырып, өзіндік көзқарасы бар азамат­тардың, бәсекеге қабілетті саналы ұрпақтың қалыптасуына себеп болады. Жиынның басты мақсаттарының бірі – 2050 жылы 30 дамыған елдің қатарына қо­сылған, экономикасы дамы­ған мемлекеттің бәсекеге қабі­летті, парасатты, саналы тұлға­сын қалыптастыру», дейді ұйым­дастырушылар.

Форум қорытындысы бо­йынша аймақтардың ең үздік клубтарына Агенттік атынан алғыс хаттар тапсырылып, бел­сенді тұлғалардың еңбегі еленді, жаңа жылға жаңа ұсыныстар мен бағыттар айқындалды.

«Өз заңын құрметтеп-қа­с­терлейтін, еліне шын берілген адал ұрпақ – мәңгілік елдің кепілі. Елорда төрінде өткен «Адал ұрпақ» республикалық жастар форумына елімізге бел­гілі Олжас Абай, Санди Сұл­тан, Серік Сәпиев сынды өз сала­сының үздіктері қатысып, өмірде жеткен жетістіктерімен, өмірлік тәжірбиелерімен бөліс­ті. Біз бұдан рухани күш-қуат алдық. Өскелең ұрпақты отансүйгіштікке, адамдарды, дәстүрді құрметтеуге, білім мен еңбекке ұмтылуға, көрегенділік пен адалдыққа тәрбиелеу жайында ауқымды әңгіме өрбіді. Іс-шараға еліміздегі «Adal urpaq» ерікті мектеп клубтарының бел­сенді, дарынды, білімді жас­тары қатысты. Ел астанасының ең көрікті жерлеріне саяхат жа­­с­адық. Жастардың дамуына, бойларындағы дарындарын көрсетуге мүмкіндік бе­ре­тін осындай ауқымды іс-ша­ра­лар жалғасын тапса, әр жас­ты бел­сенді өмір сүруге бағыт­тай­ты­ны белгілі», дейді Түркістан об­лы­сынан келген «Adal urpaq» клу­бы­ның мүшесі Айгүл Ержігітова.

Жиын соңында «Adal urpaq» клубтарының мүшелері марапатталды.

 

Соңғы жаңалықтар

Күлкі керуені № 20

Руханият • 06 Желтоқсан, 2019

Оралда жастар бастамаларын қолдау жақсы

Аймақтар • 06 Желтоқсан, 2019

Мәслихаттар депутаттарымен кездесу өтті

Қазақстан • 06 Желтоқсан, 2019

Қоныс аударушыларды қолдау қандай?

Қоғам • 06 Желтоқсан, 2019

Тәулігіне 15-16 тонна сүт алынады

Аймақтар • 06 Желтоқсан, 2019

Ұқсас жаңалықтар