Аймақтар • 03 Желтоқсан, 2019

Көкшетауда жаңа көпір ашылды

60 реткөрсетілді

Көкшетау қаласы Қылшақты өзенінің жағасында орналасқан. Өзен үстінде бұрын салынған көпірлердің көпшілігі ескі. Таяуда Мәлік Ғабдуллин көшесі бойында жаңа көпір салынды. Қала тұрғындары көптен күткен ақ түйенің қарны жарылған сәт Тұңғыш Президент күніне орайласты.

Облыс әкімі Ермек Маржықпаев көпірдің салтанатты ашылу рәсіміне қатысып, инфрақұрлымдық желілерді жаңғырту бойынша алдағы жұмыс жоспарымен бөлісті. Жаңа көпір Шоқан Уәлиханов көшесі мен Абылай хан даңғылын жалғайды.  Нысан құрылысына 452 миллион теңге бөлініпті. Қалада жол жөндеу ісі де қарқын алған. Бұл бағытқа  бөлінген қаржы көлемі 20 миллиард теңгеге жуық. Қаражаттың басым бөлігі Ресей мен Қазақстанның шекаралас өңірлерінің ынтымақтастығы форумына орай республика қазынасынан құйылған. Іргелі шараға әзірлік аясында Көкшетаудың көптен қордаланған мәселелері түбегейлі шешілмек.

Келесі көпір де таяу арада пайдалануға берілмек. Ол Қылшақтының Қопаға құяр сағасында салынып жатыр. Сондай-ақ Назарбаев даңғылы, элеватор мен 13-ші мектеп маңындағы 3 ескі көпір де қайта жаңғыртылады. Өңір басшылығы нысанның құрылыс сапасын оң бағалап, мердігерлер мен құрылысшыларға алғыс білдірді.

–Бұл Көкшетау қаласындағы ең үлкен көпір. Мұндай нысандар қала аумағында соңғы 40 жылда салынған емес. Көпірдің ені 32 метр. Жаяу жүргіншілерге арналған жолақтың өзі 3 метр. Бұл қала тұрғындарының игілігі үшін жасалған шаруа. Нысан стандартқа сай. Яғни, жүк көліктерін өткізуге мүмкіндігі бар,–дейді «Сервис НС» компаниясының көпір құрылысы бойынша меңгерушісі Виктор Казеный.

Соңғы жаңалықтар

18 қаңтарға арналған ауа-райы болжамы

Қазақстан • 18 Қаңтар, 2020

Алматы жасыл қалаға айналады

Экология • 17 Қаңтар, 2020

Көкшетауда беті ашық құдық көп

Аймақтар • 17 Қаңтар, 2020

Шымкентте Поэзия мінбері ашылды

Руханият • 17 Қаңтар, 2020

Бұландыдағы берекелі іс

Аймақтар • 17 Қаңтар, 2020

Мал баққанға бітеді...

Аймақтар • 17 Қаңтар, 2020

Кувейт турнирінде топ жарды

Спорт • 17 Қаңтар, 2020

Гран-при жарысына қатысады

Спорт • 17 Қаңтар, 2020

Екінші қоланы қоржынға салды

Спорт • 17 Қаңтар, 2020

Ұқсас жаңалықтар