Руханият • 09 Желтоқсан, 2019

Күлкі керуені № 21

3826 рет көрсетілді

Күллі әлемнің күлкісі

Бір азамат  стансада сыртқа шығып, қайта мінерінде, байқамай қарсы кетіп бара жатқан поезға мініп алады да, өз вагонына, өз орнына келіп отырып жоғарыда  жатқан азаматттан:

 – Қайда бара жатырсың? – деп сұрайды.

 – Қарағандыға...

Бұл сәл ойланып: «Ойпыр-ай-ә,  қазіргі техниканың дамып,  жетілгенін қойсайшы, бір мезгілде, бір  вагонда , жоғарыдағы Қарағандыға, ал мен Алматыға  кетіп барамын...» – деп таңданған көр.

                                                                                             ***

Үйленгеннен кейін төрт айдан соң әйелі ұл тапқан жас әке көршісінен:

 –  Мұның атын кім қоямыз? – деп сұрапты.

 – Желаяқ болсын! Өйткені, басқа баланың тоғыз айда өткен жолын бұл төрт-ақ  айда өтті ғой, – депті көршісі.

                                                                                             ***

Сұрақ: «Милиционерлер көшеде неге үшеуден жүреді?»

Жауап: «Біреуі оқи алады, жаза алмайды. Екіншісі, жаза алады, оқи алмайды. Ал үшіншісі, жаза да, оқи да алмайды, оның міндеті – ана екі  интеллигентті бақылау».

                                                                                            ***

 – Социалистік нарықтық экономиканы  кім ойлап тапты?

 –  Павлов.

 – Бұл қайсысы? Әлгі  оқымысты  ма, жоқ,  коммунисі ме?

 – Коммунист.

 – Бәсе, өзім де солай  ойлап едім. Оқымысты Павлов  болғанда, әуелі  иттерге тәжірибе жүргізіп алар еді...

                                                                                           ***

 – Қаһарман  қала  Мәскеуден шыққан  жылқы – қаһарман қала Волгоградқа жете ала ма?

 – Жете алмайды, оны қаһарман қала  Туладағылар сойып жеп қояды...

                                                                                          ***

 Әйел : –  Ескертіп қояйын, енді бір сағаттан кейін  үйге күйеуім келеді.

 Еркек: – Мен ешқендай әбестік  істеп отырған  жоқпын ғой.

 Әйел: –  Мәселе сонда. Ал, уақыт дегенің  зырлап барады...

Соңғы жаңалықтар

Ұқсас жаңалықтар