Бұған дейін хабарлағанымыздай, 15 шілдеде Атырау қаласындағы бес қабатты үйдің шатырын өрт шалған болатын. Енді осы үйдің шатырына терможаңғырту бағдарламасымен жаңғырту жұмыстарын жүргізген компания үстінен қылмыстық іс қозғалғаны белгілі болды. Бұл туралы облыстық әкімдікте өткен мәжілісте Атырау қаласының әкімі Серік Айдарбеков мәлім етті.
Еске сала кетейік, Атырау қаласындағы Авангард-2 ықшам ауданында орналасқан №4 үйдің шатыры өртке оранғанда Атырау облысының әкімі Бақтықожа Ізмұхамбетов пен Атырау қаласының әкімі С.Айдарбеков орынбасарларымен бірге оқиға орнына дереу жеткен еді. Өрттің қасақана жасалуы мүмкін екендігі жөнінде болжам да қарастырылып отыр.
Жолдасбек Шөпеғұл,
«Егемен Қазақстан».
Атырау облысы.
