Экономика • 16 Желтоқсан, 2019

Тауар тасу жиілігіне шектеу болмайды

11 реткөрсетілді

Келер жылдан бастап халықаралық пошта жөнелтілімдерімен жіберілетін, сондай-ақ тасымалдаушы жеткізетін жеке пайдалануға арналған тауарларды бажсыз әкелу нормаларына өзгеріс енгізілмек.

Қаржы министрлігі Мемлекеттік кірістер комитетінің хабарлауынша, 1 қаңтардан бастап оның көлемі 31 килоны және 200 еуроны құрайтын болды. Тауар көлемі бұл нормадан асқан жағдайда тауар құнынан 15 пайыздық, салмақтың 1 килограмы үшін кемінде 2 еуро мөлшерлемесі бойынша кедендік төлемді төлеуге міндетті. Бір атап өтер­лігі, азаматтардың тауар әкелу, пошта арқылы алу жиілігіне қатысты мерзімдік шектеулер алынып тасталады.

Қазір Еуразиялық экономикалық одақтың кедендік аумағына кедендік баждарды, салықтарды төлемей әке­лінетін, жеке пайдалануға арналған тауарлардың нормалары әр азаматқа 1 ай ішінде 500 еуро және салмағы 31 кило екенін айта кетейік. Жаңа норма бойынша азаматтардың 1 ай ішінде 1 мәрте емес, күн сайын тауар тасыса немесе пошта жөнелтілім арқылы алуына да мүмкіндігі бар.

Қарапайым мысалмен түсіндірер болсақ, бағасы 300 еуро болатын интернет-дүкендерден тапсырыс берілген жіберілім үшін жолаушыларға арналған кедендік декларация тапсырылып, құндық нормасынан асатын бөлігі де кедендік төлемдер құнының 15%-дық мөлшері бойынша декларацияланады. Яғни 100 еуро үшін оның 15%-на тең қаражат төленуі керек. Ал жіберілген заттың құны 200 еуродан аспаса, бірақ салмағы 35 кило болып межеден 4 килоға асып кетсе,  онда сол 4 кило үшін кедендік баж салынады.

Соңғы жаңалықтар

Өз қаржысына кітапхана салған

Аймақтар • Бүгін, 10:08

Сабаннан жасалған қалашық

Аймақтар • Бүгін, 10:05

Ауылға кел, жас дәрігер

Аймақтар • Бүгін, 09:37

Тарих. Тұлға. Түркістан

Руханият • Бүгін, 09:06

Адамдықтың қайнары

Руханият • Бүгін, 08:55

Берік Уәли: Абай мен Алаш

Руханият • Бүгін, 08:54

Ұқсас жаңалықтар