Аймақтар • 19 Желтоқсан, 2019

СҚО полициясында бір кинолог қыз бар

29 рет көрсетілді

Солтүстік Қазақстан облысы Полиция департаментінің итпен із кесу (кинолог) қызметінде бұрын-соңды қазақ қызы қызмет етпеген екен. Енді сол олқылықтың орны толды. Тәуелсіздік күні қарсаңында республикалық Кинологтық орталықта арнайы курсты тәмамдаған Күлжәмилә Қайырбекова осы қызметке орналасты.

Жалпы, Күлжәмилә осы жұмысқа қыркүйек айынының басында орналасып, иттермен жұмыс істеуде өзінің епті екенін танытқан. Алдымен ол ауруына байланысты әлсіреген екі айлық күшікті күтіп, қатарға қосты. Енді, курс бітіріп, полиция сержанты болып келген ол басқа қызметтік-іздестіру итімен жұмыс істей бастады. Қазір белгиялық овчарка Чарли екеуі бірі-біріне үйренісіп кетті. Алда олар есірткі заттарын іздеу, із кесу бойынша бірлесе жұмыс істейтін болады. «Мен иттерден қорықпаймын, кішкентайымнан итке жақын болдым. Мен Петерфельд селосында тұрдым. Бізде алабай, овчарка тұқымды әр түрлі иттер болды. Бәлкім, бүгінгі таңда кинологиялық орталықтың иттерімен жұмыс істеуде соның көмегі тиген шығар», дейді осы бөліністе қызметін жалғастырғанына  қуанышын білдірген Күлжәмилә Қайырбекова.

Айта кететін жайт, жыл басынан бері СҚО полицейлері ізшіл иттердің көмегімен заңсыз айналымнан 80 килограмнан астам есірткі затын алды. Кинологиялық қызмет орталығында 13 қызметкер жұмыс істейді. Онда 25 қызметтік ит бар. «Күлжәмилә Қайырбекова облыстық бөліністе кинололог болып қызмет ететін жалғыз қызымыз. Тағы бір әйел қызметкеріміз Виктория Шахневич Тимирязев ауданында жұмыс істейді», дейді СҚО ПД КҚО бастығы полиция майоры Самат Төлебаев.

Соңғы жаңалықтар

Доллар бағасы тағы арзандады

Экономика • Бүгін, 11:30

Күлше қыз

Театр • Бүгін, 09:25

Гүлдердің сырын ұққан...

Өнер • Бүгін, 09:24

Қалдықты кәдеге жаратты

Аймақтар • Бүгін, 09:22

Ақылы автожол көбейді

Қазақстан • Бүгін, 09:18

Digital теңсіздік

Технология • Бүгін, 09:14

Елін сүйген ерен ер

Тарих • Бүгін, 09:11

Расиманың асүйі

Қоғам • Бүгін, 09:07

Алакөлге пойызбен баруға болады

Аймақтар • Бүгін, 09:01

Асарлатып алтыншы үй салды

Аймақтар • Бүгін, 09:00

1500 отбасы баспаналы болады

Аймақтар • Бүгін, 08:58

Ұлы мұрат ұстыны

Пікір • Бүгін, 08:54

Адамзатқа қалтқысыз қызмет

Таным • Бүгін, 08:42

Шынашақтай спортшы шындығы

Спорт • Бүгін, 08:39

Ұқсас жаңалықтар