Мерейтойға еліміздің үшінші мегаполисінен де арнайы делегация құттықтап келді. Шымкенттік делегация құрамында мәслихат депутаттары, зиялы қауым өкілдері, еңбек ардагерлері және БАҚ өкілдері бар.
80 жылдық мерейтой аясында көптеген іс-шара өтпек. Бұған қоса бірқатар мәдени-әлеуметтік нысандардың құрылысы аяқталып, ел игілігіне беріледі деп күтілуде.
Атап айтқанда, Тараз қаласынан қазақтың тұңғыш кәсіби режиссері Асқар Тоқпанов пен танымал ақын Кенен Әзірбаевтың ескерткіші, сондай-ақ Әуендер әлемі мен Даңқты спортшылар алаңдарының ашылуы жоспарлануда. Сонымен қатар «Тектұрмас» этнотарихи кешені ашылады.
Онда облыстық тарихи-өлкетану музейі, көрме павильоны, амфитеатр, қолөнер шеберлерінің галереясы, «Руханият» орталығының жаңа ғимараты, көркемдік-бейнелеу өнері галереясы бар.
Жамбыл облысының 80 жылдығына арналған салтанатты жиын сағат 17:00-де өтеді деп жоспарлануда.
Естеріңізге сала кетейік, 1939 жылы қазанда Әулиеата облысының атауы Жамбыл облысы болып ауыстырылды. Бұл дата Жамбыл облысының құрылған күні саналады.
