Сондай-ақ газеттің бүгінгі санында мәдениеттегі маңызды мәслихаттар, өңірлердегі өзекті мәселелер, білім мен ғылымдағы салмақты сараптамалар, спорттағы айтулы ақпараттар да орын алды.
Премьер-Министр Асқар Маминнің төрағалығымен өткен Үкімет отырысында Ішкі істер министрі 1 аптада елімізде 104 жол-көлік оқиғасы тіркеліп, соның салдарынан 39 адам қаза тауып, 158 адам түрлі жарақат алғанын айтты. Экологиялық һәм экономикалық маңызды мәліметтерді білгіңіз келсе, газет шолушысы Сұңғат Әліпбайдың «Жаңа Экологиялық кодекс қандай болмақ?» мақаласын оқыңыз.
Елордада «Қазақстанның 100 жаңа есімі» жобасы қорытындыланып, спорт, мәдениет, қоғам, медицина, ғылым мен білім, бизнес салаларындағы үздіктер анықталды. Олардың қатарында кімдер бар екенін білгіңіз келсе, газет тілшісі Рауан Қабидолданың «Жүзден жүйрік жеңімпаздар» мақаласына назар салыңыз.
Жаңалықпен жарақтанып, ақпаратпен қанаттанып жүргіңіз келсе, ел ішіндегі елеулі оқиғаларды елден бұрын білгіңіз келсе, «Егемен Қазақстан» газетінің 26 желтоқсандағы санын немесе egemen.kz сайтын қарай жүріңіздер.
