Әлем • 04 Қаңтар, 2020

Сирияда 140 мың бала босқынға айналды

211 рет
көрсетілді
1 мин
оқу үшін

Сирияның Идлиб провинциясында соңғы бірнеше апта ішінде 140 мыңнан аса бала үй-жайын тастап, босқынға айналған. Бұл туралы ЮНИСЕФ өкілдері хабарлайды.

Сирияда 140 мың бала босқынға айналды
Ұйым мамандары, сондай-ақ, мектептер мен ауруханаларға шабуылдардың жиілеп кеткенін айтады. Былтыр Сирияда 145 білім ошағы мен 82 емханаға соққы жасалған екен.

Жалпы, былтыр желтоқсанда Үкімет жасағы осы Идлиб провинциясында ауқымды әскери операция бастаған болатын. Салдарынан соңғы 5 күнде провинцияның 44 мың тұрғыны үйлерін тастап, Түркиямен арадағы шекараға қарай бас сауғалаған.