«Қазбриг» бітімгерлік бригадасының «Іле» полигонында әскери қызметшілердің бітімгерлік операциялардағы іс-қимылына жаттығатын оқу қалашығының құрылысы аяқталды. Қалашық құрылысы Қазақстан мен АҚШ Қорғаныс министрлігі арасындағы бес жылдық ынтымақтастық жоспары шеңберіндегі «Бітімгерлік операциялары жөніндегі ғаламдық бастама» бағдарламасы бойынша жүргізілді.
«Қазбриг» бітімгерлік бригадасының «Іле» полигонында әскери қызметшілердің бітімгерлік операциялардағы іс-қимылына жаттығатын оқу қалашығының құрылысы аяқталды. Қалашық құрылысы Қазақстан мен АҚШ Қорғаныс министрлігі арасындағы бес жылдық ынтымақтастық жоспары шеңберіндегі «Бітімгерлік операциялары жөніндегі ғаламдық бастама» бағдарламасы бойынша жүргізілді.
Жақында «Іле» полигонында оқу қалашығының ресми ашылуы болып өтті.
Оған Қазақстан Қарулы Күштері Аэроұтқыр әскерлері қолбасшысының бірінші орынбасары – штаб бастығы, полковник Талғат Исмаилов пен АҚШ-тың Қазақстан Республикасындағы елшісі Кеннет Фэйрфакс қатысты.
Полигонда бой көтерген оқу қалашығы қалалық кварталды имитациялау мақсатындағы үйлерден, көшелер мен қиылыстардан тұрады. Қалашық құрылысын АҚШ Қарулы Күштерінің «See Bees» («Теңіз аралары») әскери инженерлік бөлімшесінің командасы жүргізді. Оқу қалашығы қалалық жердегі әскери операциялар нысаны болып табылады және қалалық жағдайда ұрыс жүргізу қимылдарын пысықтауға арналған. Қалашық металды контейнерлерден тұрғызылған 17 ғимараттан тұрады. Үйлердің жаттығу кезінде әскери қызметшілер кіріп-шығатын есік-терезелері және қалқалары бар. Қазақстандық бітімгерлер бөлімшесінің оқу қалашығында, сондай-ақ патрульдік жасауға, ғимаратты шабуылдауға, кепілге алынғандарды босатуға және бітімгерлік операциялары шеңберіндегі басқа да іс-қимылдарды жүргізуге мүмкіндігі бар.
Іс-шараға қатысушылар ағымдағы жылғы 10 тамызда «Іле» полигонында басталатын «Дала қыраны» халықаралық бітімгерлік оқу-жаттығулары қарсаңында оқу қалашығының пайдалануға берілуін ерекше атап өтті. Ал биыл жаттығуға Қазақстан, Ұлыбритания, АҚШ, Германия, Швейцария, Италия, Тәжікстан, Қырғызстан бастаған оннан астам мемлекеттің әскери бөлімшелері қатысады. Бітімгерлер үшін жаңа оқу қалашығының базасында іс-қимылды пысықтау қалалық жағдайда тапсырмаларды орындауда үлкен кешенді тәжірибе болары анық.
Оқу қалашығын тапсыру салтанатынан соң «Қазбригтің» бітімгерлік бөлімшесі жергілікті жерді тазарту, "шабуылдау" элементтерін қамтыған сынақ сабақтарын өткізді. Әскери қызметшілердің айтуынша, имитацияланған ғимараттарда дайындалу қалалық жағдайда әскери операциялар жүргізуге шынайы мүмкіндік береді.
«Егемен-ақпарат».
