Шығыс Қазақстан облысы Шемонаиха ауданындағы «Октябрь» орта мектебі-балабақша кешенінің оқушылары Волчанка ауданындағы «Көшпенділер» жазғы лагерінде демалды. Олардың жазғы демалысы есте қаларлықтай көңілді, қызықты өтті. Балалар лагерьде достасып кетті. Бірінші күннен бастап әртүрлі спорттық ойындар ұйымдастырылды.
Лагерьдегі төртінші кезең – спорт кезеңі болғандықтан, футболдан, суда жүзуден, басқа да спорт түрлерінен көптеген жарыстар өткізілді. Тәрбие шаралары да өте қызықты өтті. «Даңқ сәттері», «Көшпенділердің сәнді киімдері» жарыстары, отрядтардың таныстырылымдары оқушылар есінде қалды. «Біз осы лагерь барысында ойындарды ұйымдастырып, уақыттың қызықты өтуіне атсалысқан ұйымдастырушыларға, тәрбиешілерге үлкен алғысымызды білдіреміз», – деді олар лагерьмен қоштасу кезінде.
Бақыт СІЛТЕЕВА,
«Октябрь» орта мектебі директорының тәрбие жұмысы жөніндегі орынбасары.
Шығыс Қазақстан облысы.
