Тәуелсіздігіміздің алғашқы жылдарында «Сұлтан» элеватор-диірмен-кешені» кәсіпорны Петропавл қаласында салынып, макаронның нешеме жеңсік түрлерін шығара бастағанда «е, енді оған жүрегі дауалап бәсекелес шыға қоймас» деген ойда болған едік. Өйткені, Анадолы елінен мол инвестиция құйған түркиялық бауырымыз Окан бей аз ғана жылдың ішінде Қазақстан рыногымен қоса алыс-жақын шетелдерді де сапалы өнімдерімен жаулап алған-ды. Қазір әлемге танымал ірі алпауыттардың бірі. Сөйтсек, жаңылысқан екенбіз.
Тәуелсіздігіміздің алғашқы жылдарында «Сұлтан» элеватор-диірмен-кешені» кәсіпорны Петропавл қаласында салынып, макаронның нешеме жеңсік түрлерін шығара бастағанда «е, енді оған жүрегі дауалап бәсекелес шыға қоймас» деген ойда болған едік. Өйткені, Анадолы елінен мол инвестиция құйған түркиялық бауырымыз Окан бей аз ғана жылдың ішінде Қазақстан рыногымен қоса алыс-жақын шетелдерді де сапалы өнімдерімен жаулап алған-ды. Қазір әлемге танымал ірі алпауыттардың бірі. Сөйтсек, жаңылысқан екенбіз.
Облыс орталығынан шалғай Есіл ауданында орналасқан «Егін» ЖШС диірмен-макарон кешенін пайдалануға беріпті дегенде бастапқыда сенбегеніміз рас. Кейін оның тұсаукесеріне куә болдық. 2011 жылы желтоқсанда Президент Нұрсұлтан Назарбаев қатысқан телекөпірде іске қосылып, алғашқы өнімін көпшілікке ұсынды. Содан бері үдемелі индустриялық-инновациялық даму бағдарламасы аясында жұмыс істеп келе жатқан шаруашылық өз өнімдерін «Қазақстанда жасалған» деген белгімен елімізден тысқары Түркіменстан, Өзбекстан, Қырғызстан, Тәжікстан, Ауғанстанға жөнелтеді. Бұған дейін тек егіншілікпен айналысса, енді астық өнімдерін ұқсатып, өткізумен де шұғылданатын бірегей ірі агроқұрылымға айналды.
–Алғашқы жылдары 3-4 мың гектар алқапқа астық өсіріп жүрдік. Кейін оның көлемін екі есеге дейін көбейттік. Әр жыл сайын мол түсім жиналып, машина-трактор паркімізді жаңалап алдық. Бірде тиісті орындар тарапынан жеңілдетілген несиелік қаржы арқылы жұмыс істеу жөнінде ұсыныс түсті. Оны құп алып, Үкіметтің зор қамқорлығын тиімді ұқсаттық. Астық кептіргіші бар әрі бидай тазалайтын кешен, сыйымдылығы 20 мың тонналық астық сақтайтын қойма орнаттық. Ісіміз одан әрі оңғарылып, гектар берекелілігін 30 центнерге дейін жеткізген кездеріміз болды. Бұрындары қуаңшылық жылдары 14 центнер өнім алу өңіміз түгіл түсімізге енбейтін.
Мемлекеттің жан-жақты көрсетілген демеуқаржысы жайлы осылайша толғана сөйлеген «Егін» ЖШС-нің бас директоры Владимир Чубыкин маңдай термен өсірілген ризықты өз кәсіпорнында толық ұқсатып, одан алынған дайын өнімді өткізу туралы шешімге келу үшін он ойланып, мың толғанған тәрізді. Алға қойған игі мақсатын толыққанды орындау үшін Қазақстан нарығын жан-жақты зерттеп, ой сүзгісінен өткізген секілді. Ресейге дейін сапарлап қайтыпты. Содан қабырғасымен кеңесе келіп, біртіндеп іске асыруға кіріскен. Үкіметтің 150 миллион теңге қаржылық қолдауына ие болып, тәулігіне 120 тоннаға дейін бидай өңдейтін диірмен кешенін сатып алған. Шетелдік озық құрал-жабдықтар орнатылған. Астық сақтауға арналған 12 мың тонналық 4 қондырғы бой көтеріп, 50-ге тарта адам тұрақты жұмысқа тартылған. Осылайша, өз жолын тауып, үлкен сенімге бөленген серіктестік Индустрияландыру картасы шеңберінде жарты миллиард теңгенің жаңа жобасын игеруге бел буған. Бір миллион доллардың құрал-жабдықтары Италиядан жеткізілген. Олардың қатарына 10-ға жуық макарон өнімдерін шығаратын, кептіретін, қаптайтын заманауи қондырғылар орнатылып, жылдық қуаттылығы 4 мың тоннаға дейін жеткізілген. Қазір мұнда «mr*MacCaroli» маркасымен әртүрлі килолық қаптамаларда макарон Қызылжардың сапалы бидай ұнынан жасалады. Кәсіпорын бұдан тысқары жоғары, бірінші сұрыпты ұн, түйіршектелген витаминді кебек өндіреді. Тауар сапалылығы жоғары бағаланып, «Қазақстанның үздік тауарлары» байқау-көрмесіне, «Қараөткел-2012» агроөнеркәсіп жетістіктері көрме-жәрмеңкесіне қатысқан. Ауыл шаруашылығы министрінің дипломымен марапатталып, өңірлік байқаулардың жеңімпазы атанған.
Облыс басшыларының қолда
