Спорт • 14 Қаңтар, 2020

Жолдамадан құр қалды

218 рет
көрсетілді
1 мин
оқу үшін

Волейболдан Қазақстанның ерлер және әйелдер құрамасы Таиланд пен Қытайда өткен Токио Олимпиадасына жолдама беруші халықаралық турнирге қатысты. Барлық ойында жеңіліс тапқан екі құрамамыз да Олимпиада жолдамасынан құр қалды.

Жолдамадан құр қалды

Қытайдың Цзянмынь қаласында ұйым­дас­тырылған ерлер арасындағы турнирде Қазақстан құрамасы алғаш Қытайдан 0:3, екінші ойында да Иран құрамасына дәл сондай есеппен есе жіберді. Соңғы үшінші матчта Қытайлық Тайпейден 1:3 нәтижесімен же­ңіліп, өз тобында соңғы орында қалып қойды.

Таиландта өткен әйелдер арасындағы бәсекені жерлестеріміз сәтті бастады. Топтық кезеңнің алғашқы екі ойынында Қазақстан құрамасы Иран мен Индонезиядан басым түссе, үшінші кездесуде Оңтүстік Корея спортшыларынан жеңілді. Жартылай финалда Таиланд құрамасымен кездесіп, алаң қожайындары 3:1 есебімен жеңіске жетті. Ал үшінші орын үшін өткен бәсекеде біздің волейболшылар қытайлық Тайпейден 3:1 есебімен басым түсіп, Олимпиадаға жолдама алмаса да жарысты қола жүлдемен аяқтады.