Испаниялық Рафаэль Надаль алдына жан салмай келеді. Екінші орынға Сербияның саңлағы Новак Джокович орналасса, үздік үштікті швейцариялық Роджер Федерер түйіндеп тұр. Ал қазақстандық теннисшілер арасында еліміздің 1-ракеткасы Александр Бублик 56-орынға жайғасты. Михаил Кукушкин 67-орнын сақтап қалса, Дмитрий Попко екі саты жоғарылап, 186-орынға тұрақтады.
Қыздар арасында аустралиялық Эшли Бартидің бағы жанып тұр. Жасыл құрлық өкілін чехиялық Каролина Плишкова мен жапониялық Наоми Осака өкшелеп келеді. Жуырда ғана Қытайдың Шэньчжэн қаласында өткен WTA турнирінің финалына дейін жеткен Елена Рыбакина әлемнің 30-шы, Қазақстанның бірінші ракеткасы атанды. Еліміздің экс-бірінші ракеткасы Юлия Путинцева 34-орынға тұрақтаса, Зарина Диас 73-сатыға жайғасқан.
