Руханият • 22 Қаңтар, 2020

18 мыңнан астам қазақстандыққа Абай есімі берілген

325 рет
көрсетілді
1 мин
оқу үшін

18 232 қазақстандықтың есімі  ақын, ағартушы және философ, жаңа қазақ әдебиетінің негізін қалаушы Абай Құнанбайұлының құрметіне қойылған. Бұл туралы Әділет министрлігінің баспасөз қызметі хабарлады.

18 мыңнан астам қазақстандыққа Абай есімі берілген

Ал ұлы ақынның отаны -  Шығыс Қазақстан облысында Абай атты 378 азамат тұрады.

Бүгінде ең үлкен Абай 92 жаста болса, ең кішісі небары 2 күн бұрын туған. Кішкентай Абай 2020 жылғы 20 қаңтарда Сарыағаш қаласында дүниеге келді.

Соңғы 10 жыл ішінде (2009-2020 жж.) ата-аналар балаларына Абай есімін 2470 рет таңдаған. Ең көбі Түркістан облысында (415), Алматы (321) және Нұр-Сұлтан (273) қалаларында тұрады.