– Әлеуметтік нысандар мен олардың жанындағы территорияларға басымдық берілуі тиіс, – деді Әбілқайыр Сқақов №2 емхананың жанында. – Қала тұрғындары ауруханалар, мектептер мен бала бақшаларға баратын жолдар таза болуы керек. Осы жерден таңертең өткенде қар жатқан еді, әлі де тазаланбаған. Көлік тұрақтарындағы қарды да шығару керек. Бұл әлеуметтік нысандарға ғана емес, жақын маңдағы адамдар пайдаланатын тұрақтарға да қатысты.
Қаланы аралап болған соң аймақ басшысының бірінші орынбасары коммуналдық қызметтердің өкілдерімен жиналыс өткізді. Қалалық ТҮКШ бөлімі мен коммуналдық қызметтер қар тазалау жұмыстарын қолға алуды және жақын арада қаланы қардан арылтуға уәде берді.
