Тағайындау • 27 Қаңтар, 2020

Президенттік жастар кадр резервінің жеңімпаздары басшылық лауазымға тағайындалды

121 реткөрсетілді

Президенттік жастар кадр резервінің жеңімпаздары бүгін Шымкент қаласында жаңа қызметке тағайындалды.

Атап айтқанда, қала әкімінің өкімімен Компаниец Сергей Евгеньевич кәсіпкерлік және индустриалды-иновациялық даму басқармасының басшысы болып тағайындалды.

Сергей Евгеньевич 1986 жылы туған, білімі жоғары. 2009 жылы «Информатика және бағдарламалық қамтамасыз ету» мамандығы бойынша Басқару институтын тәмамдаса, 2016 жылы Джордж Вашингтон университетінің ақпараттық жүйелер мен басқару технологияларының магистранты дәрежесін алған. Сол жылдары жылдың ең үздік бизнес студенттерінің бестігіне кірген. 2011 жылы «Мемлекеттік және жергілікті басқару» мамандығы бойынша академиялық инновациялық университетін бітірген.

Еңбек жолында ол Қазақстан Республикасының «Мемлекеттік қызмет істері агенттігінің Ақпараттық-тестілеу орталығы» мемлекеттік мекемесінде жүйелік инженері, орталық директорының орынбасары, содан кейін директоры болып қызмет атқарған. Сондай-ақ Қазақстан Республикасы Премьер-Министрінің Кеңсесі «Алмас» мемлекеттік кәсіпорны директорының орынбасары, «Учет онлайн» ЖШС жобаларды басқару жөніндегі директоры және Шымкент қаласы әкімінің аппаратында ақпараттық қауіпсіздік бөлімінің бастығы болып жұмыс істеді. Бұдан бөлек, «Shymkent» ӘКК төрағасының орынбасары қызметін атқарған.

Бұған қоса Президенттің кадрлық резервіне іріктеудің барлық кезеңдерінен сүрінбей өткен Олжас Шынтаев кәсіпкерлік және индустриалды-иновациялық даму басқармасы басшысының орынбасары болып тағайындалды.

Олжас Шынтаев 1990 жылы туған, білімі жоғары, мамандығы бойынша экономика және бизнес бакалавры - есеп және аудит. Орыс, ағылшын, қытай тілдерін меңгерген.

Қазақстан Республикасының туризм индустриясының үздігі, ТМД Халықаралық достастық сыйлықтарының лауреаты.

Еңбек жолында «Ортон» ЖШС-нің менеджері, ОҚО туризм индустирясын дамыту орталығы қоғамдық бірлестігінің төрағасы, ОҚО индустриалды-инновациялық даму және туризм басқармасының бөлім басшысы, «Ontustik tourism center» КМК директоры, Түркістан облысы туризм және сыртқы байланыс басқармасының басшысы, «Qazaq Geography» республикалық қоғамдық бірлестігі Басқармасы төрағасының кеңесшісі қызметтерін атқарып келген.

Соңғы жаңалықтар

Ана тілі – арың бұл...

Руханият • Бүгін, 13:10

Күрес: Алғашқы күні үш қола

Күрес • Бүгін, 09:00

Қылмыстық іс қозғалды

Аймақтар • Кеше

Басты ақпарат (21.02.2020)

Видео • 21 Ақпан, 2020

Ұқсас жаңалықтар