Жуырда Халықаралық Олимпиада комитетінің жұмыс тобы және Қытайдың Олимпиада комитеті 3-14 ақпанда Қытайдың Ухань қаласында өтуі тиіс болған турнирді аталған аймақта коронавирустың таралуына байланысты кейінге шегерген болатын. Түрлі нұсқаларды қарастырған жұмыс тобы іріктеу додасына қарқынды дайындалып жатқан спортшыларға ыңғайлы болу үшін Иордания Ұлттық Олимпиадалық комитетінің өтінімін мақұлдады.
Осылайша, бокстан Азия және Тынық мұхит аймағы елдері Токио Олимпиадасының жолдамасын 3-11 наурыз аралығында Иорданияның бас шаһары – Амман қаласында сарапқа салады.
