Қоғам • 14 Ақпан, 2020

Қар тазалау қарқынды жүргізілді

96 реткөрсетілді

Бас қалаға биыл қар әдеттегіден өте көп жауды. Ауа райының қолайсыздығына қарамастан, астанаға темір жолмен қажетті жүк және жанармай жеткізу тұрақты қамтамасыз етілді.

Нұр-Сұлтан қаласындағы объектілердің үздіксіз жұмыс істеуіне кірме жолдардың қар­дан уақытылы тазартылып отыруы септігін тигізді. Кірме жолдар – жергілікті теміржол инфрақұрылымының басты құрамы болып табылады.

«Көліктік сервис орталығы» АҚ-ның ақпараты бойынша осы күндері тек астанада ға­на кірме жолдарды қардан тазалау барысында 20 мың тек­ше метр қар шығарылды. Жал­пы Қазақстан бойынша осы уа­қытта арнайы техниканың 100-ге жуық тасымалы, 100 шақырымға жуық кірме жолдардың таза­лануы қамтамасыз етілді деп ха­барлайды еліміздегі кірме жол­дардың негізгі тармағына ие жауапты кәсіпорын мамандары.

«Қарағанды аймағында кір­ме жолдарды қардан сапалы тазалау және уақытылы шығару бойынша біз магистральды теміржол желісі объектілерінен кем түскен жоқпыз. Ұқсас жағ­дай Ақмола жол бөлімінің тү­йісу стансаларында көрініс алды, кірме жолдардан 40 мың текше метр қар шығарылды. Бұл ретте, Ақмола жол бөлімі ар­қылы еліміздің басты көлік артериясы өтетінін атап айтқан жөн», дейді «Көліктік сервис орталығы» АҚ-ның Солтүстік аймақтық бөлімшесінің директоры Әлкей Асылбек.

Оның айтуы бойынша, кірме жолдардағы қар тазалау және су басып қалудың ал­дын алу жұмыстары әлі де жалғасуда.

 

Айзере САМАРҚАН

 

Соңғы жаңалықтар

Басылым басшылары - Ұзақ БАҒАЕВ (1930-1973)

Басылым басшылары • Кеше

Ұқсас жаңалықтар