Қазақстан • 17 Ақпан, 2020

ИИДМ: Алматы облысындағы автомобиль жолдарына қатысты жоба талқыланды

42 реткөрсетілді

2020 жылдың 13 ақпанында Нұр-Сұлтан қаласында Автомобиль жолдары комитетінің, «QazAvtoJol» ҰК» АҚ мен мердігер компаниялардың өкілдерінің қатысуымен өндірістік кеңес өтті. Бұл туралы Индустрия және инфрақұрылымдық даму министрлігінің баспасөз қызметі хабарлады.  

Кеңес барысында М-36 «РФ шекарасы (Екатеринбург) – Алматы» 2453-2446 шақырым» автожолын Шамалған стансасының теміржол өткелінде жол өтпесін орната отырып, қайта құру мәселесі талқыланды. Аталмыш жоба бойынша өткен жылдың желтоқсанын айында «Тодини Конструциони Дженерали С.п.А.»/ «Integra Construction KZ» ЖШС консорциумымен келісімшартқа қол қойылған болатын. Құрылыс-монтаждық жұмыстар 2019 жылы басталды. Қазіргі таңда жобалау-іздестіру жұмыстары жүргізіліп жатыр. Жиын барысында құрылысты уақытылы аяқтау, ағымдағы жылдың соңына дейін автомобиль жолының аталмыш учаскесінде жол қозғалысын қамтамасыз ету тапсырылды.

Сонымен қатар «Алматы-Бішкек» автомобиль жолының 16-19 шақырымындағы «Алтын Орда» және 18-19 шақырымдағы «Асыл Арман» тұрғын үй кешені ауданындағы учаскесін күрделі жөндеуден өткізу жұмыстарының барысы қаралды.  «Алтын Орда» базары 16-19 шақырым учаскесіндегі жұмыстар 2020 жылдың желтоқсанында аяқталмақ. Бүгінгі таңда нысанда құрылыс материалдарын дайындау жұмыстары жүргізілуде.  

«Асыл Арман» ТК ауданы 18-19 шақырым учаскесіндегі күрделі жөндеу жұмыстары 2019 жылдың желтоқсанында басталды. Жоба аясында түрлі деңгейде ұзындығы 550 метр болатын төрт жолақты қозғалысты ұйымдастыру арқылы көліктік жол айырығы мен жаяу жүргіншілерге арналған 1 жерүсті көпірінің құрылысы қарастырылған.

Кеңесте «Алматы-Бішкек» автожолын («Алтын Орда» базары 16-19 шақырым) күрделі жөндеуден өткізу жобасының іске асырылуын ерекше бақылауға алу және жобаны белгіленген мерзімде аяқтау туралы шешім қабылданды.  

Бұдан бөлек, шара аясында «Ұзынағаш-Отар» автомобиль жолын реконструкциядан өткізу жұмыстарының барысы талқыланды. Ұзындығы 96 шақырымды құрайтын жолды реконструкциялау жобасы 2022 жылға дейін аяқталады деп жоспарланып отыр.

Соңғы жаңалықтар

Оралда 71 ұйымға рұқсат берілді

Аймақтар • Бүгін, 21:56

Бензин бағасы арзандады

Экономика • Бүгін, 21:38

Абайдың әнін шырқады

Абай • Бүгін, 20:07

14 отбасыға қол ұшын созды

Қазақстан • Бүгін, 19:51

Онлайн жыр орталығы ашылмақ

Руханият • Бүгін, 19:35

«Birgemiz» қорына 13 млрд теңге түсті

Қазақстан • Бүгін, 18:32

Коронавирус Көкшетауға да келді

Коронавирус • Бүгін, 18:24

Салық салмақ салмайды

Қаржы • Бүгін, 17:50

Бетперде киген көктем - 3

Таным • Бүгін, 17:30

Ұқсас жаңалықтар