Басылым басшылары • 19 Ақпан, 2020

Басылым басшылары - Нұрлан ОРАЗАЛИН (1947)

472 реткөрсетілді

Нұрлан Оразалин Алматы облысы Ұйғыр ауданы Көкбастау ауылында дүниеге келдi. 1965 жылы орта мектептi бiтiрген соң, Қазақ мемлекеттiк университетiнiң филология факультетiне оқуға түстi.

Еңбек жолын 1970 жылы «Қазақстан пионерi» (қазiргi «Ұлан») газетiнде әдеби қызметкер болып бастады. 1972-1984 жылдар аралығында республика Мәдениет министрлiгiнiң репертуарлық-редакциялық коллегиясында редактор, аға редактор, бас редактор қызметтерiн атқарды. 1984-1986 жылдары республикалық қуыршақ театрының директоры болды. 1986 жылы Қазақстан театр қайраткерлерi одағының бiрiншi съезiнде одақ басқармасының бiрiншi хатшысы болып сайланып, 1986 жылы өткен КСРО Театр қайраткерлерi одағының бiрiншi съезiнде басқарма құрамына ендi. 1990-1993 жылдары Қазақ КСР Жоғарғы Кеңесiнiң депутаты болды. 1993-1996 жылдары «Егемен Қазақстан» газетiнiң бас редакторы қызметiн атқарды. 1996-2018 жылдары Қазақстан Жазушылар одағы басқармасының төрағасы болды.

Н.Оразалин – ақын, драматург. Оның қаламынан туған «Беймаза көңiл», «Көктем көшi», «Жетiншi құрлық», «Адамзатқа аманат», «Құралайдың салқыны», «Ғасырмен қоштасу», «Сырнайлы шақ» атты жыр жинақтары мен «Шырақ жанған түн», «Аққұс туралы аңыз» пьесалары оқырмандар мен көрермендерден кезiнде жақсы бағасын алған. Ол – Қазақстан Республикасының еңбек сiңiрген қайраткерi, Мемлекеттiк сыйлықтың лауреаты, Алматы қаласының құрметтi азаматы.

Соңғы жаңалықтар

iPhone 12 Pro рендері шықты

Технология • Кеше

Ұқсас жаңалықтар