ҚАЗАҚСТАНДЫҚ МЕТАЛЛУРГИЯ БРЕНДІ

ENRS компа­­­ния­сының өткен жылды қоры­тын­ды­лауы Наурыз мей­ра­мы­мен тұспа- тұс келіп отыр. Жақсы істер жар­шысы мен жаңа жобаларды бас­тау үшін таптырмас ең сәтті кезең екенін есепке алсақ, бұл көңілге қуаныш ұялататын жағдай. 2009 жылдың қорытынды құжа­тын сараптай отырып, негізгі көр­сет­кіштердің жаһандық эко­номикалық дағдарысқа қарамас­тан жағымды байқалымына куә болсақ, бұл көр­сеткіштер оған қоса компанияның нақты және кемел болашағына деген сенімді ұлғайта түсіп отыр. Біріншіден, Топтың табысты ме­неджменті, шындығында да жаһан­дық экономикалық қатер­лерге қарсы жедел жұмыс жасап қана қоймай, нә­тижелі жауап бере алды. Рекорд­тық қысқа уа­қыт­та кә­сіпорындар барлық мүм­кіндіктерін көрсете алды. Өнім өн­дірісін реттеуге байланысты қа­былданған шараларды қоса алсақ, шығынды азайту және ұжымды сақ­тап қалуға бағытталған дағда­рысқа қарсы бағдарлама сәйке­сін­ше нә­тижесін беріп те үлгерді. Өндірістік есепте жаһандық си­паттағы эконо­ми­калық мәселелер әсерінен болған ENRS компания­сындағы уақытша қиын­дықтарды жеңіп, оны алға басуға әсер еткен фактілер жиі кез­де­сетінін атап өтсек дейміз. Негізгі көр­сет­кіш­тер жаһандық экономи­ка­лық апат­тарға қарамастан, тұрақты күйінде қалып, алғашқы жарты­жыл­дықпен салыстырғанда екін­ші жар­ты­жылдықта өндіріс көле­мі толық­тай қал­пына кел­тірілген­дігін байқауға бо­лады. Өнім өн­дірісі жөніндегі есептік сандарды нақ­тылай түссек, ферро­қорытпа, темір рудасы өнімдері мен көмір бойынша олар 2008 жылмен са­лыс­тырғанда тұрақты екендігі көз­ге анық байқалады. Ал алю­ми­ний және электр энергия­сы­ның көр­сеткіштері өте жоғары деңгейде. Екіншіден, Топ басшылығы 2009 жылдың қиын жағдайла­рында басым бағытты қызметкер­лердің жағдайына арнап, соларды сақтап қалуға тырыс­ты. Бір де бір қызмет орнын қысқарт­пастан, сондай-ақ, меморандумдарға сәй­кес әлеуметтік жауапкершілік (3,7 млрд. теңге), тұрғын үй бағ­дар­ла­масы бойынша міндеттеме­лер­ді толықтай жүзеге асырды. Бір­неше мыңдаған ұжым бұл ша­раны ең жоғарғы дивиденд екен­дігін ке­пілдендіретін комания­ның негізгі активі деп сенімділік­пен айтты. Компанияның болашағын са­раптауда негізгі дәлел ретінде түр­лі салаларға жұмсалған нақты шы­ғын­ды келтіруге болады. Өт­кен қоры­тын­ды жылда компа­ния­ның бұл көр­сеткіші 1 147 млн. АҚШ дол­ла­рын құрады. Ор­таша мерзім­ді уа­қыт­қа арналған корпоративтік бағ­дар­ламаның жалпы құны 5,8 млрд. доллар болды. Мұның ішінде жүзеге асырылып жатқан жобалар ғана емес, сонымен қатар жоспарда тұр­ған­дары да бар. Қаржының 1,5 млрд. теңгесі 2010 жылдың ен­ші­сіне тие­сілі. Бұл көрсеткіштердің компания­ның стратегиялық да­муы­ның жақсы жолда екендігін куә­ландыратын өзге де сандар се­кілді сенімді екендігінде дау жоқ. Аталмыш жобалар тек компания үшін ғана емес, қазақ­стан­дық эко­номика үшін де маңызды жо­балар десек, артық айтқандық емес. Бірнеше инвестициялық жо­ба­лардың табысты басталуы кор­порацияның жалпы қаржы­лық жағдайын жақсарта түсті. Ал­дыңғы кезекте Ақтөбедегі 440 мың тонна­лық қуатпен ферро­қо­рытпа зауыты­ның 4 қорытпа це­хы құрылысының басталуын ай­туға болады. Оның үлкен маңызы бар екендігі туралы Елбасының өзі де ерекше атап айт­қан бо­ла­тын. Тәуелсіз сарапшылар елі­міз­дегі электролиз зауыты құры­лы­сы­ның екінші кезеңінің бас­та­луын Қазақстанның алюминий өндірі­сіндегі жаңа дәуір деп атап өтті. Оның технологиялық құра­мы­на анод өндірісі цехы да кіреді (Цехтың іске қосылуы 2011 жылға жоспарланып отыр). Оған қоса, нақ­ты шығындар жоспарына сәй­кес, 2011 жылға қарай глинозем өн­дірісін 300 мың тоннаға кеңей­ту көзделуде. Жоба құны – 305 млн. АҚШ долларын құрайды. Ақ­су ЭЭС энергетика бөлімше­сін­де 325 ме­гаваттық қуаты бар ІІ энергоб­лок­тың құрылысы жос­пар­лануда. Жоба құны 230 млн. доллар, ал қол­да­нысқа беру мер­­зімі – 2011 жыл. Сондай-ақ, алтыншы энергоблок қайта жөн­деуден өткізілмек. (Құны - 230 млн. АҚШ доллары, аяқталу мер­зімі – 2012 жыл.) ENRS-тің жа­ңа сегменті, өзге де түрлі-түсті ме­тал­дар бөлімшелерінде мыс пен кобальт­ты өндіруді кеңейту жос­п­ар­ланып отыр. Үшіншіден, тәуелсіз сарапшы­лар­дың мойындауынша, өткен жыл ENRS компаниясы корпора­тив­тік стратегияны дұрыс қол­дан­ған. Стра­тегия актив портфелінің тұрақты кеңеюіне, атап айтсақ, ком­пания­ның өндіру саласы бой­ынша әлемде және аймақта жұ­мыс істеуіне, өндіріс қуа­тын жа­­­­ңаландыруға, төмен шы­ғынды өндірісті қолдауға, қосымша құн­ның құрылуына, өнім түрлерінің көбеюіне бағытталды. Үлгіге ENRS стратегиялық курсы­ның өзгеріссіз­ді­гін және жалғас­тылы­ғын бейнелейтін сатып алу – САМЕС тау-кен өн­ді­рісі ком­па­ния­сының қыркүйек ай­ын­дағы келі­сім­шартын алуға болады. Бұл ком­пания­ның активтері Афри­ка­да орна­ласқан. Оған қоса әлеуеті күшті деп болжануда. Ол келі­сім­шарт жақын уақытта қазақстан­дық биз­нес­тің әлемдік металлур­гиялық рынок­тағы бағыттарын бекіте түседі. Шын­дығында да сатып алынған жаңа активтер ENRS пен Қазақстанның 2009 жылғы трансұлттық индустрия­да­ғы қиын жағдайларға қарамастан, әлемге өз мықтылықтарын паш етті. ENRS-тің жылдық балансы­ның жариялануы көптеген тау-кен және ме­таллургия өндірісі саласы бой­ынша сарапшылар мен мамандар­дың көптеген жарияла­нымдарына себеп­ші болды. Өн­ді­рістік қызметтің жа­ғымды көр­сеткіштерін негізге ала отырып, беделді авторлар 2010 жыл ENRS кәсіпорындарының барлы­ғын­да даусыз экономикалық өсім жылы ретінде аталатындығына сенім біл­діреді. Сонымен қатар, компа­ния­ның құнының артуына да себепші болып отыр. 2009 жылдың өндірістік көр­сеткіштерін жалпылама есепке ала отырып, дағдарыс жылының табыс­ты алынғандығы туралы қорытын­ды жасауға әбден бола­ды. Қазіргі таңда кәсіпорындар бар қуатымен жұмыс жасау үс­тін­де. Инвести­циялық және инно­ва­циялық жо­балар жалғасын тауып, жүзеге асу­да. Басқаша айтсақ, Еу­ра­зиялық кор­порация қазақ­стан­дық метал­лур­гия­ның бренді болып санала­тындығын тағы бір рет дәлелдеді. Венера ТҮГЕЛБАЙ.