Теннис • 24 Ақпан, 2020

Үшінші рет финалда жеңілді

116 рет
көрсетілді
1 мин
оқу үшін

Теннистен Қазақстанның бірінші ракеткасы Елена Рыбакина Дубайда өткен WTA Dubai Duty Free турнирінің фи­налына дейін жетіп, бас жүлде үшін өт­кен бәсекеде жеңіліп қалды.

Үшінші рет финалда жеңілді

Жерлесіміз Дубайдағы жарысты өте сәтті бастап, тек кіл мықтылармен шеберлік сынас­ты. Атап айтар болсақ, турнирдің алғашқы айналымында жуырда ғана «Үлкен дулыға» санатындағы Australian Open бәсекесінде жеңімпаз атанған АҚШ өкілі София Кенинді қапы қалдырса, ширек финалда әлемнің үшінші ракеткасы чехиялық Каролина Плишкованы екі сетте 7:6, 6:3 есебімен тізе бүктірді. Жартылай финалда әлемнің 15-ра­кеткасы хорватиялық Петру Мартич Рыба­кинаның қарқынына төтеп бере алмады. 

Бұл жарыста отандасымызды тек жарыс­тың бірінші, әлемдік рейтингте екінші орында тұрған румыниялық Симона Халеп қана тоқтата алды. Бас жүлде үшін өткен жарыста Халеп екі сетте 6:3, 7:5 есебімен жеңіске жетті. Бұл Елена Рыбакинаның жыл басынан бергі төр­тінші финалы. Өкінішке қарай, тек біреуінде ғана жеңіске жеткен қандасымыз осымен үшінші финалында жеңіліс тапты. Әйтсе де, Рыба­кина бұл жетістігінің арқасында әлемдік рейтингте 17-орынға көтеріліп, еліміздің теннис тарихындағы рекордын жаңартты.

 

Соңғы жаңалықтар

Су үнемдейтін қондырғы

Технология • Кеше