Мұндай сайттарды құру есірткі құралдарын насихаттау және заңсыз жарнамалау ретінде сараланады. Бұл үшін ҚР ӘҚБтК-нің 423-бабы бойынша жауапкершілік қарастырылған, ол бойынша айыппұл 150-ден 700 АЕК-ке дейін, яғни 378 750-ден 1 767 500 теңгеге дейін.
Есірткіні таратумен айналысатын адамдарға келетін болсақ, оларды 291-бап бойынша есірткіні таратумен айналысқаны үшін қылмыстық жауапкершілікке тартады.
Маңғыстау облысы ПД Жергілікті полиция қызметі басқармасымен қаланың қоғамдық орындарында 8 граффити жазулар табылып, жойылды .
Қарапайым тұрғындар бұл есірткі жарнамасы екенін байқамайды. Есірткі тұтынушылар ісінен хабардар, олар әр түрлі мессенджерлер арқылы есірткі сатып алуға тырысады.
Полицейлер тарапынан тұрғындарға есірткі қылмысымен күресте белсенділік танытып, өздеріне белгілі болған барлық қылмыс фактілері туралы Есірткі қылмысымен күрес жөніндегі басқармаға хабарласу қажеттігі айтылды.
Маңғыстау облысы
