Аймақтар • 28 Ақпан, 2020

Жыл басынан бері Маңғыстауда 5 келіден астам марихуана тәркіленді

19 реткөрсетілді

Жыл басынан бері Маңғыстау облысы Полиция департаментінің есірткі қылмысына қарсы күрес басқармасының күшімен «марихуана» таситын екі ірі арна жабылды. Бұл туралы Маңғыстау облыстық Полиция департаменті баспасөз қызметі хабарлады.

Есірткі заттары Ақтау қаласына әрі қарай өткізу үшін еліміздің оңтүстік өңірлерінен жеткізілді. Жыл басынан бері 5 кг-ға жуық түрлі есірткі құралдары тәркіленді, онда салмағы 4 килограмнан астам марихуана есірткісі болған.

Есірткіні таратумен айналысатын адамдарға келетін болсақ, оларды Қазақстан Республикасының ҚК 297-бабы бойынша өткізгені үшін қылмыстық жауапкершілікке тартады.

Сондай-ақ Департамент облыс тұрғындары мен қонақтарын есірткі қылмысымен күресте белсенді азаматтық ұстаным танытуға, өздеріне мәлім болған барлық қылмыс фактілері туралы хабарлауға шақырады.

Соңғы жаңалықтар

Ұқсас жаңалықтар