Хоккей • 11 Наурыз, 2020

Жартылай финалға шықты

21 реткөрсетілді

Шайбалы хоккейден Гагарин кубогы аясында сынға түсіп жатқан елорданың «Барыс» клубы Нұр-Сұлтандағы «Барыс Аренада» Магнитогорскінің «Ме­таллург» командасын қабылдап, ірі есеппен жеңіске жетті.

Кездесу бастала сала мұзайдын иелері шабуылға шығып, ойынның небәрі 4-минутында есеп ашты. Егор Петуховтың асырған шайбасынан кейін Антон Сагадеев «Металлург» қақпасын дәл көздеді. 6-минутта қонақтар сапынан Николай Кулёмин есепті теңестіргенімен, арада 30 секунд өткенде Даррен Диц «Барысты» қайта алға шығарды. Бірінші кезең аяқталғанға дейін Антон Сагадеев дубль авторы атанып, есепті 3:1-ге жеткізді.

Екінші кезеңде екі команда хоккейшілері бір-бір шайба соқты. Алғаш 25-минутта Павел Акользин, 28-минутта Артём Мину­лин мергендігімен көзге түсті. Ал үшінші кезеңнің соңғы минутында Павел Акользин ойындағы екінші, «Барыстың» бесінші шайбасын соқты. Қорытынды есеп – 5:2.

«Барыс» пен «Металлург» арасындағы 5 ойынға созылған кездесуде жерлестеріміз 4:1 есебімен жеңіске жетіп, Гагарин кубогының жартылай финалына шықты.

 

Соңғы жаңалықтар

Алматыда зертханалар саны артады

Оңтүстік Қазақстан • Кеше

Ұқсас жаңалықтар