21 Тамыз, 2013

Регби: Кезекті тур Астанада өтеді

292 рет
көрсетілді
1 мин
оқу үшін

Регби-1

Үстіміздегі жылғы 22-24 тамыз аралығында Астанада ерлер командалары арасындарегби 7-ден Қазақстанның ашық чемпионатының IV туры өтетін болады. Бұл туралы қалалық туризм, дене тәрбиесі және спорт басқармасының баспасөз қызметі хабарлады.

Жарыстың ашылу салтанаты 22 тамыз күні сағат 12:00-ге жоспарланып отыр. Алойындардың өзі күн сайын сағат 10.00-ден бастап «Достық» спорт кешенінің алаңында, яғни Қ.Мұңайтпасов атындағы орталық стадионда өтеді.

Чемпионатқа «Динамо-СКР Алматы», ПРК «Олимп» (Талдықорған), «Динамо» (Шымкент), ВКС – №1 ОРБЖСМ (Алматы), «Каспий» (Ақтау), №2 БЖСМОР (Алматы), Қостанай облысының ІІД, «Қарасай Еуразия Спорт» (Қаскелең), «Барыс» (Жамбыл облысы), «Университет» (Павлодар) және елордалық «Астана» командасы қатысады.

Регби-7 Қазақстан чемпионаты 17-20 мамыр күндері Алматыда басталды. Қазір турнир кестесінде «Динамо-СКР Алматы» (Алматы) 63 ұпаймен алда келеді. Одан кейін Талдықорғанның ПРК «Олимп» командасы 57 ұпаймен екінші орында тұрса, «Астана» клубы 49 ұпаймен үшінші орынды иеленіп отыр.

Дастан Кенжалин.

Соңғы жаңалықтар