Аймақтар • 18 Наурыз, 2020

Төрт мыңнан астам ағаш отырғызылды

24 реткөрсетілді

Ұлыстың ұлы күні әз Наурыз ме­рекесі қарсаңында Тараз көше­лерін көгалдандыруға көңіл бөлінуде. Табиғаттың тамыры қайта түлеп, күн мен түннің теңелетін шағында өңірде қала аумағын абаттандыру, кө­галдандыру және санитарлық та­залау бойынша көктемгі екі айлық басталды.

 

 

Тараздықтар Бауыржан Момышұлы атындағы «Жеңіс» саябағына жина­лып, көне шаһАрда бастау алған көгал­дандыру жұмыстарына қатысты. Екі айлық жұмысқа қатысқандар ара­сында облыс әкімі Бердібек Сапарбаев, облыстық және қалалық арда­герлер кеңесінің мүшелері, қоғам­дық кеңестердің, жас­тар және во­лон­терлік ұйымдардың басшылары мен өкілдері болды. Өз сөзінде Б.Сапар­баев әркім өз ауласын, көшені, қа­ланы, ауданды таза ұстауға тырысуы ке­­ректігін, тек аумақты тазалау және ағаш отырғызумен шектелмей, отырғызылған жасыл желектерді кү­тіп-баптау жұмыстарын да жүйелі түр­де жүргізіп отырудың дұрыс екенін жеткізді.

Қаланы көгалдандыру жұмыстары облыс әкімдігі ғимаратының және Қа­зақ хандығының 550 жылдығына орай бой көтерген монумент маңында, «Әулие-ата» әуежайы аумағында, Тараз қаласындағы Е.Ниетқалиев, Ы.Сүлейменов атындағы және басқа да көшелер бойында жалғасын тапты. Бұл күні облыс орталығында 225 қайың көшеті, 2900 үйеңкі, 150 акация, 800 шаған ағашы, сондай-ақ бірнеше қарағай, магнолия көшеттері, жалпы алғанда төрт мыңнан астам ағаш отырғызылды. Екі айлық іс-шаралар мамыр айына дейін жалғасады. Бұл орайда қаланың орталық бөліктері, магистральды көшелер мен саябақтар, облыс орталығының шағын аудандары әртүрлі жауапты мекемелерге, кәсіпорындар мен кәсіпкерлік нысандарына арнайы бекітілген. Бүгінде мұндай жұмыстар облыстың барлық ауданында жүргізілуде.

 

Жамбыл облысы

 

Соңғы жаңалықтар

Алматыда зертханалар саны артады

Оңтүстік Қазақстан • Кеше

Ұқсас жаңалықтар