![Түркістан: Жалған ақпарат таратқан 3 азамат жауапкершілікке тартылады](/media/2020/03/18/crop-12_1_738x827_skrinshot-18-03-2020-094643.jpg)
Өңірлік коммуникациялар қызметінде өткен брифингте Түркістан облысы Полиция департаментінің бірінші орынбасары Әбдіғани Сейдуалиев хабарлағандай, көрінеу, жалған ақпарат таратқан азаматтар Қылмыстық кодекс бойынша жауапкершілікке тартылады. «Қазір облыста 3 азаматтың үстінен тергеу жұмыстары жүруде. ҚР Қылмыстық кодексінің 274-ші бабы «Көрінеу жалған ақпарат тарату» деп аталады және оның санкциясында 10 жылға дейін бас бостандығынан айыру жазасы көрсетілген», деді Әбдіғани Тойшыұлы. Сонымен қатар, полиция полковнигі тиісті орындардан алынған ресми ақпараттарды жетекшілікке алу, елді дүрліктіретін жалған ақпарат таратпау қажеттігін ескертті.