Жарылысты «Niksit» серіктестігінің мамандары жүргізіп жатыр. Оны жергілікті атқарушы орган өкілдерінен құрылған арнайы комиссия бақылауда. Алғашқы мұз жару жұмыстары Майлин ауданына қарасты бірнеше елді мекендерді жанай ағып өтетін Әйет өзенінде, Жангелдин ауданындағы Саға ауылының маңындағы Сарыөзенде жүргізілді. Төтенше жағдайлар департаменті баспасөз қызметінің мәліметінше, өзен бетіндегі мұздың қалыңдығы - 0,5-0,80 метр шамасында. Мамандар, сонымен қатар, мұз қалың жерлерді бұрғылап ойық жасап жатыр. Екі күн ішінде елді мекендер мен күре жолдардың бойындағы көпірлердің маңында диаметрі 9 метр болатын 200-ге жуық мұз ойығы бұрғыланған.
Қостанай
