Аймақтар • 18 Наурыз, 2020

Алматы: Жер сатып алуға 6 миллиард теңге бөлінді

42 реткөрсетілді

Бұл 2020 жылы игерілуі тиіс қаржы. Бұл туралы бізге қалалық әкімдіктің баспасөз бөлімі хабарлады.

Ақпаратқа сәйкес, биыл 43 жер учаскесін алып қою жоспарланған. Инфрақұрылымдық жобаларды жүзеге асыру үшін учаскелер алынған.

Атап айтқанда, Абай даңғылын Жандосов көшесіне дейін ұзарту, Рысқұлов пен Емцов, Бұқтырма және Құлжа трассаларының қиылысында көлік тораптарын салу үшін жер телімдері сатып алынады. Сонымен қатар, Желтоқсан көшесінен бастап, Тимирязев, Жандосов, Сүлейменов, Мұстафин көшелерімен Саин көшесіне дейін, Абылай хан көшесін кеңейту және Наурызбай ауданында негізгі магистральді көшелерді (МДП) салу арқылы Желтоқсан көшесінен жоғары жылдамдықтағы автобус көлігі (БРТ) жүйесі бар көше желісін қайта құру үшін жер учаскелері мемлекеттің пайдасына сатылып алынады.  Сонымен қатар, Алатау ауданындағы Дархан шағынауданында мектеп салу, Жетісу ауданындағы «Кирпичный» қосалқы станциясы мен орталық стадионды қайта құру үшін учаскелер тәркіленеді.

Мемлекеттік құрылым 2018-2019 жылдары 20,5 млрд теңгеге 58,2 га жер сатып алды.

Еске салайық, мегаполисте 20,2 миллиард теңгеге үш деңгейлі жаңа жол құрылысы салынып жатыр.  Жаңа жоба  Алматының солтүстік-шығыс бөлігін бір-бірімен жалғастырады.

Бұған дейін қала әкімдігі 2020 жылы республикалық бюджеттен көшелерді асфальттауға және жол айрықтарын салуға республикалық бюджеттен 16,1 миллиард теңге бөлінетінін хабарлады.

Сондай-ақ метроға 35,1 миллиард теңге бөлінген. Бұл - 2020 жылы Алматының жаңарған бейнесін толықтыратын жаңа жобалар.

АЛМАТЫ

Соңғы жаңалықтар

iPhone 12 Pro рендері шықты

Технология • Бүгін, 18:31

Ауылдағы жұрт әлі сенбейді

Қоғам • Бүгін, 13:23

Ұқсас жаңалықтар