Спорт • 18 Наурыз, 2020

Футбол: Литва және Арменияға қарсы жолдастық кездесу өтпейтін болды

122 рет
көрсетілді
1 мин
оқу үшін

Футболдан Қазақстан ұлттық құрамасының осы айға жоспарланған екі жолдастық матчы коронавирусқа байланысты өтпейтін болды. Бұл туралы Қазақстан футбол федерациясының президенті Әділбек Жақсыбеков мәлімдеді.

Футбол: Литва және Арменияға қарсы жолдастық кездесу өтпейтін болды

«Футболдан Қазақстан ұлттық құрамасының наурыз айына жоспарланған екі бірдей жолдастық кездесуін өткізуден бас тарттық. Бұл шешімді Армения және Литвадағы әріптестерімізбен келісе отырып қабылдадық. Десе де, әлемдегі және елдегі жағдай бір қалыпқа түссе, аталған құрамалармен маусым айында жолдастық кездесу өткізіп қалуымыз мүмкін» деді Ә.Жақсыбеков.

Айта кетейік, Қазақстан футбол құрамасы 27 наурызда Литва, 30 наурызда Армения құрамасына қарсы жолдастық матч өткізуі керек еді. Кездесу Алматыдағы Орталық стадионда өтеді деп жоспарланған болатын.