«Қазір көп жерде медициналық бетперде табу қиындық тудырып отыр. Бағасы да шарықтап барады. Енді мата жеткізіліп берілсе, көбірек тігіп халыққа тегін таратам», дейді Жәмила Қанапина. Аудандық төтенше жағдай жөніндегі штаб төрағасының орынбасары Бағдат Айдарбеков осындай қиын сәтте, қайырымды іс жасап отырған тігіншіге алғысын білдірді. Ауыл әкімі Батырхан Аяповқа кәсіпкерлерді ұйымдастырып, матамен қамтамасыз ету жөнінде кеңес берді. Ал ауыл тұрғындары тігіншінің бұл үлгілі ісіне ризашылықтарын білдіруде.
