Балалар үйіне медициналық залалсыздандыру сұйықтықтары және тазартқыш құралдарын, сондай-ақ қорғаныс маскалар мен дәрумендер сынды қазіргі жағдайда аса қажетті заттарды таратты. Ал Түркістанда қала тұрғындары мен көше бойындағы қоғамдық жұмыста жүргендерге, құрылыс алаңдарындағы жұмысшыларға, аялдамаларда тұрған көпшілік қауымға 2000-ға жуық медициналық маска мен 10 литрге жуық антисептикалық сұйықтық таратты.
Сондай-ақ жастар Төлеби, Сайрам аудандары мен Шымкент қаласында орналасқан облыстық отбасы үлгісіндегі балалар үйі мен қарттар үйіне, мектеп–интернаттарына да осындай қолдаулар көрсетті. Облыс жастары мен еріктілер қамқорлық таныту бағытындағы бұл игі іс-шараларды алдағы уақытта да өңірдің барлық аудандарында жалғастырмақ.
