Аймақтар • 23 Наурыз, 2020

Қостанай дәріханаларында медмаска жоқ болып кетті

64 реткөрсетілді

Тауарлар және көрсетілетін қызметтердің сапасы мен қауіпсіздігін бақылау департаменті бүгінге дейін аймақта коронавирус жұқтырғандар тіркелмегенін хабарлады. Қазір облыста 39 адам госпитальда жатыр. 41 адам – үй карантинінде.  Эпидемиялық аһуал тұрақты.

Таяуда аймақ басшысы облыстағы медициналық сақтандыру шараларына 2,1 млрд теңге бөлінгенін хабарлап, медициналық маска сатып алуға қомақты қаржы  жұмсалатынын айтқан. Алайда облыс орталығындағы дәріханаларда маска жоқ. Кейбіреуіне 1 айдан бері түспеген. Ең бастысы, соңғы күндері аптекаларға маска түсу тоқтап қалып отыр.  

Осыдан бір жеті бұрын «Большевичка» тігін фабрикасының медмаска шығаруға кіріскенін хабарлаған едік. Ресми орындардың мәліметінше, фабрика күніне 10 мың маска тігеді. Бірақ соның небары 500-і ғана Қостанай дәріханаларына түседі. Қалғаны тапсырыс берген ұйымдарға жөнелтіледі. Қалай десек те жергілікті кәсіпорын халықсұранысын толық өтей алмай отыр. Мәселенің анық-қанығын білмек болып, денсаулық сақтау департаментінің баспасөз қызметіне хабарласып едік, «Тауарлар және көрсетілетін қызметтердің сапасы мен қауіпсіздігін бақылау департаменті біледі»  деген жауап алдық. Ал аталған мекеме бұл мәселе біздің құзырымызда емес, - деді.

Бейресми деректер бойынша, қазір кейбір жеке тігіншілер қолдан маска тігіп сатуға көшкен. Оның қаншалықты қорғаныш болатынын ешкім білмейді.  

Қостанай

Соңғы жаңалықтар

Бензин бағасы арзандады

Экономика • Кеше

14 отбасыға қол ұшын созды

Қазақстан • Кеше

Ұқсас жаңалықтар