Аймақтар • 25 Наурыз, 2020

Түркістанда азық-түлік неге қымбаттады?

273 реткөрсетілді

Соңғы күндері облыс орталығы Түркістанда бірқатар азық-түлік бағасының өсуі байқалған болатын. Осыған байланысты облыс әкімі Өмірзақ Шөкеевтің тапсырмасына сәйкес әлеуметтік маңызы бар азық-түлік тауарлары бағасының төтенше жағдайға байланысты көтерілуін болдырмау және оның алдын алу шараларын қабылдау мақсатында мобильді топ құрылды.

Түркістан қаласындағы  «Қуаныш» және «Алтын бұлақ» базарларында көрші облыстардың көтерме сатып алушыларының ірі көлемде азық-түлікті сыртқа әкетуінен негізгі әлеуметтік маңызы бар тауарлардың бағасы 30-40 теңгеге (40-60 пайыз) қымбаттап, тауар тапшылығы орын алғаны анықталды. Облыс әкімінің орынбасары Мейіржан Мырзалиевтің жетекшілігіндегі мобильді топ өңірдегі сауда нысандардағы бағаның көтерілуін болдырмау іс-шаралар жоспарын бекітіп, толық құрамда базарларға шықты. Барлық кɵтерме таратушылармен сату бағасы белгiлендi. Кентау, Отырар және Созақ аудандарынан келген кɵтерме сатып алушыларға қажеттi кɵлемiн тɵмен бағамен тиеп əкетуге жағдай жасалды.

р

Сондай-ақ мобильді топ Түркістан қаласындағы бірқатар супермаркеттерді аралап,  азық-түлік дүкендердiң қалыпты режимде қызмет iстеп жатқандығын, азық-түлiк қорының жеткiлiктi екендiгiн жəне бағалардың негiзсiз ɵсiмi орын алмағандығына кɵз жеткiздi. Баға өсу фактілері бойынша Бәсекелестікті қорғау және дамыту департаменті тарапынан тиісті шаралар қабылданды. Азық-түлік тауарларының бағасын өсірмеу және жасанды тапшылыққа жол бермеу жөнінде түсіндіру жұмыстары жүргізілді. Тɵтенше жағдай кезеңiндегi талаптардың орындалуын қатаң сақтау ескертiлдi.

 

Түркістан облысы

Соңғы жаңалықтар

Елдік нышандар тарихы

Қазақстан • Кеше

Ұқсас жаңалықтар