Кейуананың сеніміне әбден кіріп, асықпай әңгімеге тартқан алаяқ жалған екі мың теңгесін де айыртып алады. Алданғанын артынан білген 76 жастағы кейуана полицияға шағым жасаған. Дәл осындай оқиғаны басқа қартаң әйел де басынан кешкен екен. Ол да полицияға шағынып үлгереді.
Алаяқтың ізіне жедел түскен полиция қызметкерлері оны бір тәуліктің ішінде ұстады. 39 жастағы алаяқ әйел бұған дейін де осындай қылмыс жасап, түрменің дәмін татып шыққан адам болып шықты.
Қазір оның үстінен алаяқтық және ұсақ ұрлық фактілері бойынша Қылмыстық кодекстің 190 және 187-баптары бойынша сотқа дейінгі тергеу жүргізілуде. Ұсталғанға қатысты "міндетті келу" бұлтартпау шарасы белгіленді. Осыған байланысты мәлімдеме жасаған СҚО Полиция департаменті криминалдық полиция басқармасының бастығы, полиция полковнигі Петр Климов:"Барлық азаматтарды сақ болуға және егде жастағы туған-туыстарыңызды алаяқтардың әрекеті туралы ескертуге шақырамыз. Алаяқтар сенгіш азаматтарды құрығына түсіру үшін коронавирустың таралуына қатысты туындаған жағдайды да пайдалана отырып, түрлі оқиғаларды ойдан шығарып, айлаларын жүзеге асыруға бейім", - деді ол.
ПЕТРОПАВЛ
