Аймақтар • 26 Наурыз, 2020

Түркістан: Коронавирус жұқтырған азаматпен бірге келген 56 адамның дерегі анықталды

702 реткөрсетілді

Сақтық мақсатында Түркістан облысының шекаралық жерлеріне 35 блок-пост қойылған. Уақытша тосқауыл –бекеттердің 31-і елді мекендерде, ал 4-уі теміржол вокзалы мен станцияларда орналасқан. Республикалық маңызы бар жолдарда екі блок - пост, яғни Жамбыл облысынан Түлкібас ауданына кіреберісте және Қызылорда облысынан-Кентау аумағына қарасты жерде жұмыс істеуде.

Аталған блок-бекеттердің  жүйелі жұмысының арқасында Нұр-Сұлтан-Шымкент бағытындағы автобуста коронавирус жұқтырған азаматпен бірге келген 56 адамның нақты дерегі анықталып отыр. Нұр-Сұлтан қаласынан Шымкентке келген 24 жасар азаматтан инфекция анықталған болатын. Көліктегі жолаушылар туралы толық ақпаратты Түлкібас ауданындағы Шақпақ бекетінің қызметкерлері 20 наурыз күні жазып алған. Жолаушылар бүгінде оқшауланған. Блок-посттарға полицейлер сағат сайын бақылау жасап, облыс аумағына келген азаматтарды қадағалауда.

«Облыс көлемінде ашылған блок - посттарға 200-ге жуық полиция қызметкерлері жұмылдырылған. Облыс сақшыларымен бірге медицина мамандары, көлік инспекциясының қызметкерлері жолдан өтетін әрбір көлікті жіті тексеруде. Сонымен қатар көлік ішіндегі жүргізушілер мен жолаушылардың дене қызулары арнайы құрылғымен тексерілуде. Егер дене қызу анықталмаса облыс аумағына өткізіледі, ал дене қызу анықталатын болса онда міндетті түрде ол адам оқшауланып, медицина мамандарымен тексеруге жөнелтіледі. Бүгінгі күнге дейін облысқа өтіп кеткен дене қызуы бар адам анықталған жоқ», дейді Полиция департаментіне қарасты Жергілікті полиция қызметінің басшысы, полиция полковнигі Ұлықбек Мылтықов.

Қазіргі таңда блок-посттардағы полиция мен медицина қызметкерлері күшейтілген режимде жұмыс істеуде.

Соңғы жаңалықтар

Елтаңба тарихы талқыланды

Руханият • Бүгін, 14:54

Марқакөлде күзет күшейтілді

Аймақтар • Бүгін, 10:41

Портрет (Үштаған)

Әдебиет • Бүгін, 08:51

Әр адам – жердің тұтынушысы

Экология • Бүгін, 08:48

Осындай елім бар!

Пікір • Бүгін, 08:42

Әр елдің өз даму жолы болады

Саясат • Бүгін, 08:40

Байламы бекем бәтуалы сөз

Саясат • Бүгін, 08:37

Кей өңірде вирус өрши түсті

Коронавирус • Бүгін, 08:24

«Менің Туым» акциясы өтті

Аймақтар • Бүгін, 08:09

Ұқсас жаңалықтар