Аймақтар • 26 Наурыз, 2020

Өмірзақ Шөкеев: Кез келген жағдайға тас-түйін дайын тұру керек

49 рет көрсетілді

Түркістан облысында әр аудан басшыларына 100 адамдық оқшаулау орындарын дайындау жүктелді. Елдегі төтенше жағдайға орай атқарылып жатқан жұмыс барысы пысықталған апталық лездеме отырысында облыс әкімі Өмірзақ Шөкеев барлық аудан әкімдеріне коронавирус инфекциясының таралуына тосқауыл қою шараларын күшейтіп, барлық жағдайға дайын болуды тапсырды.

«Кез-келген жағдайға тас-түйін дайын тұру керек. Әрбір азаматымыздың амандығын ойлай отырып, зор жауапкершілік танытып, дайындық жұмыстарына тыңғылықты және мұқият қарау керек. Дертке қарсы күрес үшін қажетті барлық жағдай жан-жақты жасалуы тиіс», – деді Өмірзақ Естайұлы. Қауіпті кеселге ұқсас клиникасы бар азаматтардың диагноздарын анықтау мақсатында облыс аумағында 240 төсек-орынға провизорлық госпитальдар қарастырылған. Одан бөлек, барлық аудандар мен қалалардағы инфекциялық аурулар бөлімдері дайындық жағдайына келтірілген. Қарым-қатынаста болғандарды оқшаулау үшін облыс аумағына 505 төсек-орынға обсервациялық орталықтар ашылған.

Сондай-ақ лездемеде оқшаулау орындарында өкпені жасанды желдету медициналық құрал-жабдықтарының саны артып, қажетті дәрі-дәрмек қорымен толық қамтылғаны айтылды. Блок-бекеттерде медициналық қызметкерлерге қажетті құрал-жабдықтарға қосымша тапсырыстар берілген. Барлық медициналық ұйымдардағы медициналық қызметкерлер коронавирустың клиникасы, емдеу және диагностикалау бойынша тұрақты түрде дайындық шараларынан өтуде.

Түркістан облысы

Соңғы жаңалықтар

Балқашта қар жауып жатыр

Ауа райы • Бүгін, 15:48

Той тойлау тыйылмай тұр

Қоғам • Бүгін, 10:45

733 980 қазақстандық вакцина салдырды

Коронавирус • Бүгін, 09:58

Әуеден бақылау жасалды

Саясат • Бүгін, 08:52

Банктегі онлайн қызмет

Технология • Бүгін, 08:43

Көп көлемде айыппұл салынды

Экономика • Бүгін, 08:32

Азия чемпионатын табысты бастады

Ауыр атлетика • Бүгін, 08:24

Тарбағатайдың таңбалы тастары

Руханият • Бүгін, 08:01

Індеттің екпіні қатты

Аймақтар • Бүгін, 07:52

Жасанды интеллектінің жәрдемі

Технология • Бүгін, 07:49

Ұқсас жаңалықтар