Коронавирус • 27 Наурыз, 2020

Зарарсыздандыру шаралары сақтала бермейді

16 реткөрсетілді

Ақтөбе өңірі шетелден коронавирус жұқтырып келгендерді бақылау мен сақтандыру шараларын одан әрі күшейте түсті. Осыған байланысты тұрғындар саны жарты миллионнан асып түсетін облыс орталығы 23 секторға бөлініп, күрделі кезең талабына сай арнайы база жасақталды. Бұл жөнінде Ақтөбе қаласының әкімі Асхат Шахаров айтып берді.

Арнайы база тұрғындардың қауіпсіздігін сақтау мақсатында құрылған. Алдағы күндерде мә­селе ушыққан жағдайда барлық мәліметтер мен деректер осы құрылым арқылы жеткізілмек. Мұндай орталықтарды негізінен мектепте орналастыруға ба­сымдық берілген. Олардың мекенжайын әлеуметтік желілер арқылы хабарландыру көзделген. Жергілікті мемлекеттік органдар өкілдері аталған секторлар аясында іс-қимыл таныта бастады.

Бүгінде облыс орталығында сақтандыру шаралары үшін қа­лаға таяу және алыс шетелдерден ұшақ және теміржол қа­тынастары арқылы келген жо­лаушыларды тестілеу тәсілі бо­йынша қатаң бақылау мен тек­серу жұмыстары жүргізілуде. Бұл бағытта медицина мамандары мен өзге де өкілетті орган өкілдері уақытпен санаспай жұмыс істеуде. Әрине өңірде коронавирустан сақ­та­ну­ға қатысты барлық мәселе түбе­гейлі шешімін тапты деуге ертерек. Атап айт­қанда, қазір медициналық бет-перде жетіс­пейді. Өңірдегі кәсіп­орын­дар мен шағын тігін цехтары өз қызметін одан әрі шира­та түсуі қажет-ақ. Сондай-ақ тұр­­ғындардың айтуынша, қала дәріханаларында дененің қызуын түсіретін «Парацетамол» пре­параты табыла бермейді.

Сонымен бірге орталық базар мен теміржол вокзалы ма­ңында тиісті санитарлық нормалар сақталмайтыны айты­лады. Бірқатар қо­ғам­дық көліктің зарар­сыз­дандырылмағаны да қала тұр­ғындарының орынды өкпе-ренішін туғызған-ды.

– Автобустар мен аялдамаларда күніне екі рет дезинфекция жұмыстарын жүргізу қолға алынды. Соған сәйкес 347 автобус пен 280 аялдамаға залалсыздандыру шаралары жасалды. Қала бюджетінен бұл мақсатқа
42 миллион теңге бөлінді. Алдағы кезде қажеттілікке қарай тағы да қосымша қаражат көздері қарастырылмақ, – дейді бұл ретте қала әкімі.

 

АҚТӨБЕ

 

Соңғы жаңалықтар

Ұқсас жаңалықтар