Аталған факті Қылмыстық кодекстің 188-бабының 3-бөлігі «Ұрлық» бойынша сотқа дейінгі тергеп-тексерудің бірыңғай тізіліміне енгізілген. Полиция қызметкерлері екі ай бойы ізге түсіп, барлық болжамдарды індеткен. Келіп түскен ақпараттар мен бейнекамералардан алынған жазбаны салыстыра отырып, сондай-ақ көзге түскен барлық көлік құралдарын тексерген тергеушілер Көкшетау қаласының 1967 жылы туған, бұрын мүліктік қылмыстар үшін сотталған тұрғынының ізіне түсті. Күдік расқа айналып, жедел-тергеу әрекеттерін жүргізу барысында қымыскер лақтырып жіберген сейф пен ұрланған заттардың бір бөлігі табылды.
Уәлиханов ауданы полиция бөлімінің бастығы, полиция подполковнигі Марат Әлжановтың айтуынша, күдіктіге қатысты міндетті келу түріндегі бұлтартпау шарасы қолданылды. Ол келтірілген шығынды тергеу барысында өтеген.
Солтүстік Қазақстан облысы
