Әлем • 28 Наурыз, 2020

Франция қазақтарының жағдайы елшіліктің бақылауында

23 рет көрсетілді

Франция COVID-19 коронавирусын жұқтырған елдердің алғашқы ондығына кіреді. Қазақстандық дипломаттар тәулік бойы Қазақстан Республикасының азаматтарымен байланыста болып, отандарына оралуға көмектесіп жатыр.

Франциядағы Қазақстан азаматтарының негізгі категориялары университеттің студенттері (171), соның ішінде «Болашақ» және «Абай-Верн» бағдарламалары бойынша оқитын, сонымен қатар француз компаниялары мен халықаралық ұйымдардың қызметкерлері, осы елдің азаматтарының отбасы мүшелері.

Парижден басқа біздің жерлестеріміз Лион, Страсбург, Гренобль, Монпелье, Лилль және басқаларында тұрады. Екі ел арасындағы тікелей рейстер тоқтатылғаннан кейін (2020 жылғы 6 наурыз) Елшілік 50-ден астам отандастарымыздың Қазақстанға оралуына көмек көрсетті.

Франция үкіметі 12 наурыздан бастап тұрғындардың қозғалысына қатаң шектеу шараларын енгізгеннен кейін, Елшілік тәулік бойы Қазақстан Республикасы азаматтарының сұрақтарына жауап беру үшін сенім телефонын ашып, әлеуметтік желілерде белсенді жұмыс жүргізуде. 

Отанға оралу немесе үйден оқшаулану туралы шешімді Францияның қазіргі орналасқан жерінде әр қазақстандық өз бетінше қабылдайды. Сонымен бірге, дипломаттар жеке қауіптерді салыстыруға шақырады. Қазіргі уақытта Елшілік Франциядағы отандастардың «санағын» жүргізіп, туындаған сұрақтарды зерттеп жатыр.

Осыған байланысты елшілік Қазақстан Республикасының азаматтарын консулдық есепке қоюдың маңыздылығын салады. Бұл халықаралық норма ең алдымен төтенше жағдайлар кезіндегі қауіпсіздік шараларын қамтамасыз етуге бағытталған.

 

Соңғы жаңалықтар

Италияда тоғыз жүлде алдық

Спорт • Бүгін, 10:10

Әр сала үздіктеріне құрмет танытты

Аймақтар • 05 Наурыз, 2021

Бағдат Мусин Шымкентке барды

Аймақтар • 05 Наурыз, 2021

Ұқсас жаңалықтар