Отбасы-тұрмыстық қатынастар саласындағы қылмыстар мен құқық бұзушылықтар қызғаныштың, отбасылық жанжалдың, психикалық аурулардан зардап шегетін аурулардың асқынуының салдарынан, сондай-ақ алкоголь ішімдіктері мен есірткі заттарын пайдалану нәтижесінде орын алады. Маңғыстауда ағымдағы жылдың 2 айында әйелдерге қатысты 676 тұрмыстық зорлық-зомбылық жасалды. Әкімшілік жауапкершілікке 274 адам тартылды. Зардап шеккендердің қауіпсіздігін қамтамасыз ету мақсатында 594 адамға қатысты қорғау нұсқамасы шығарылып, профилактикалық әңгімелер жүргізілді.
ҚР ӘҚБтК 461-бабы бойынша «қорғау нұсқамасын» бұзған тұлғаларға қатысты 29 әкімшілік жауапкершілікке тартылды.Сот тұрмыстық зорлық-зомбылық жасаған адамның мінез-құлқына ерекше талаптар белгілеу туралы 53 «ерекше талаптарды», яғни өтінішті қанағаттандырды. 81 ата-ана немесе оларды алмастыратын, балаларды тәрбиелеу жөніндегі міндеттерін орындамайтын тұлғаларға қатысты құқыққа қарсы әрекеттер жасайтын, яғни «қолайсыз отбасы» ретінде есепте тұрған адамдар анықталды.
Бұдан басқа, халықтың, балалардың және олардың ата-аналарының құқықтық сауаттылығын арттыру және республикалық деңгейде дәлелді мінез-құлықты қалыптастыру мақсатында жыл сайын мүдделі мемлекеттік органдар, «Нұр Отан» партиясы, үкіметтік емес ұйымдармен жұртшылық өкілдерінің қатысуымен жедел-профилактикалық іс-шаралар мен акциялар өткізіледі.
Мемлекет басшысының тапсырмасына сәйкес отбасындағы тұрмыстық зорлық-зомбылықтың алдын алу және әйелдерге қатысты кемсітушіліктің барлық нысандарын жою бөлігінде «ҚР ӘҚБтК» түзетулер енгізу бойынша отбасы-тұрмыстық қатынастар саласындағы құқыққа қарсы әрекеттер үшін жауапкершілікті күшейтуге бағытталған түсіндіру жұмыстары жүргізілді.
Ақтау қаласының 22 шағын ауданының 100А ғимаратында орналасқан «РАЙ» дағдарыс орталығында «№2 арнаулы әлеуметтік қызмет көрсету орталығы», «Арнайы әлеуметтік зардап шеккен әйелдер тұратын орталық» тұрмыстық зорлық-зомбылық құрбандарының әлеуметтік орталығы» коммуналдық мемлекеттік мекемесінде әлеуметтік көмек, өз құқықтары туралы құқықтық кеңес алады, сондай-ақ жәбірленушілердің құқықтарын қорғау және қауіпсіздігін қамтамасыз ету мақсатында құқық бұзушыларға шаралар қабылданды.
Маңғыстау облысы
