Коронавирус АҚШ-та өте жоғары жылдамдықпен таралуда: өткен тәулік ішінде ресми түрде 19,5 мың жаңа жұқтыру оқиғасы анықталды. Мұндай қарқынмен ауру әлемнің ешбір елінде таралмаған болатын.
Айта кету керек, АҚШ-та карантин енгізілген жоқ. Статистика бойынша, Нью-Йорк штатында әрбір 17 минут сайын коронавирус жұқтырған адам қайтыс болғанына қарамастан, бұл қалада да қозғалысқа ешқандай шектеу қойылмады.
Италия, Испания, Франция және Германияда күн сайын 5-6 мың адам вирус жұқтырады. Италия мен Испанияда тәулігіне 800-900 адам індеттің құрбанына айналып жатыр. Германия науқастардың саны бойынша бесінші орында тұрғанына қарамастан салыстырмалы түрде қайтыс болғандар саны аз.
Қытай мен Оңтүстік Кореяда жағдай тұрақты: өткен тәулікте Қытайда 3 адам, Кореяда 5 адам қаза тапты.
Үндістан билігі жаппай карантин жариялаған. Қазір бұл елде науқастар саны 1000-ға жетті.
