Лауазымды тұлғалар бүгін телефон арқылы конференция өткізіп, 2021 жылға ауыстырылған жазғы Олимпия ойындарын 23 шілдесі мен 8 тамызы аралығында ұйымдастыруға келіскен. Ал Паралимпиада ойындары 24 тамыз бен 5 қыркүйек аралығында өтеді. Онлайн жиынға ХОК президенті Томас Бах, Токио-2020 президенті Мори Йоширо, Токио губернаторы Коике Юрико қатысқан.
Жиын барысында жазғы спорт түрлеріндегі барлық халықаралық федерациялар мен ұлттық олимпиадалық комитеттер қабылданған шешімді қолдады. Айта кетелік, 24 наурыз күні әлемде COVID-19 індетінің белең алуына байланысты Жапония билігі мен ХОК бірлесе отырып, Олимпиада ойындарын келесі жылға қалдыру туралы шешім қабылдады.
