Қазақстан • 30 Наурыз, 2020

Қырғыздар қазақ шаруаларына су беруге құлықсыз

328 реткөрсетілді

Экология, геология жəне табиғи ресурстар вице-министрі Сергей Громов Қырғызстанға жасаған жұмыс сапарында республиканың Үкімет басшысы Мұхаметқалы Абулғазиевпен Жамбыл жəне Түркістан облыстарының диқандарын сумен қамтамасыз ету мəселесін талқылады. Атап айтқанда, вице-министр Қазақстан мен Қырғызстанның арасындағы Токтоғұл су қоймасын жақсартуға арналған электр энергиясы тауарларын алмасу кестесінің орындалмауы мəселесін көтерді. Бұл туралы жауапты министрліктің сайтында хабарланды.

Осыған байланысты былтырғы тəжірибе бойынша жаңа кесте жасау ұсынылды.

Бұдан басқа, С.Громов кездесуде Шу өзеніндегі су шаруашылығы ахуалын қозғады.

"2019 жылғы вегетациялық кезеңде Шу өзенінде қазақстандық тарап белгіленген көлемнің 64%-ін ғана алған. Біздің аймақтық су шаруашылығы ұйымдарына 2020 жылғы вегетациялық кезеңде Шу мен Талас өзендеріндегі мемлекетаралық пайдаланудағы су шаруашылығы нысандарынан су беру кестесін əзірлеп, келісуді тапсыруды ұсынамын", - деді вице-министр.

Тараптар сондай-ақ Шу өзенінде орналасқан мемлекетаралық пайдаланудағы нысандарды жөндеу жұмыстарын орындау мəселесін келісті.

Соңғы жаңалықтар

Ғасыр зұлматы

Қоғам • Кеше

Ұқсас жаңалықтар