Қант диабеті, инсулинге тәуелділігі мен артериялық гипертензиясы да науқастың жағдайын ауырлата түскен.
Ол 22 наурыз күні реанимация және қарқынды терапия бөліміне ауыстырылған.
Сараптама қорытындысы науқастың коронавирус жұқтырғанын анықтаған.
Ол коронавирустық инфекцияны диагностикалау мен емдеудің клиникалық хаттамасына сай ем алған.
Дәрігерлер күн сайын бейінді мамандармен, оның ішінде Астана медицина университеті кафедраларының қызметкерлерімен консилиумдер өткізген.
Қабылдаған қарқынды терапияға қарамастан, науқаста полиоргандық, яғни тыныс алу, жүрек және бүйрек жетіспеушілігінің белгілері арта түскен.
31 наурыз күні сағат 03.30-да науқастың жүрегі тоқтаған.
Осыған дейін Нұр-Сұлтан қалалық қоғамдық денсаулық сақтау басқармасының басшысы Сәуле Қисықова елімізде коронавирустан екінші науқастың көз жұмғанын хабарлаған еді. Науқастың бір ай бойы ауырып, медициналық көмекке жүгінбегені белгілі болған.
