Ауыл шаруашылығы министрлігінің сайтында жарияланған мәлімет бойынша, 15 сәуірге дейін қарақұмық жармасы, қант, картоп, сәбіз, пияз және қырыққабатты сыртқа экспорттауға шектеу қойылды. Сонымен қатар бұған дейін ішкі қажеттіліктерін қамтамасыз ету мақсатында бидай экспортына шектеу енгізілген болатын.
Бүгін Ауыл шаруашылығы министрлігіның сайтында енді ұнды республикадан тыс жерге квота арқылы шығаруға болатыны туралы хабарлама тарады. Квоталарды бөлу мен олардың көлемі алдағы уақытта аталған министрліктің ресми интернет ресурсында орналастырылады.
Ұлттық экономика министрлігі Статистика комитетінің мәліметтері бойынша, 2020 жылдың 1 наурызындағы ақпаратқа сәйкес Қазақстанда 9,2 млн тонна, оның ішінде азық-түлік – 6,4 млн тонна, тұқымдық – 1,5 млн тонна, жемдік – 1,3 млн тонна астық бар.
